美食節目有好多
不過《舌尖》過於高大上
《深夜食堂》可遇不可求
最近一個只有6集嘅
美食紀錄片《人生一串》
就充滿生活氣息而且接地氣！
因為最近真係好紅
多方好友推薦之下
可樂君係深夜冒住餓死嘅危險
打開咗呢個視頻
睇完真係唔搵野食都唔得……
每集大概4-5間店
每一集都有特別的主題
第一集適合大眾食肉獸！
中國東西南北各種烤豬牛羊肉
睇到唔餓都幾難
日日都會食嘅野原來都好多學問
第二集就突破三觀啦！
唔係個個都夠膽食
高能預警！！！
烤蠶蛹
烤豬腦
小霸王覺得最衝擊嘅係
咬落去會好似瀨尿牛丸
一樣爆漿嘅
烤豬眼
呢一集都有介紹到廣州
刷爆朋友圈嘅活烤海鮮
相比起身就輕口好多啦……
第三集係素食者嘅福音
最適合減肥又想食燒烤嘅人
韭菜、豆腐
仲有睇咗真係好想試試嘅
第四集就食得十分講究了
專門揀D好小眾嘅黎食
烤豬鼻筋、豬心管、海腸一類
爽口彈牙嘅野
第五集係烤骨頭
從細食到大嘅鳳爪都係
烤骨名物
第六集有各地
民間口碑好又開得耐嘅店
最後都有去廣州
採訪咗大家熟悉嘅風筒輝！
睇完就會發現
中國人對美食嘅追求可謂
無所不用其極
乜都可以烤
豬牛羊每個部位
原來可以食到咁盡！
節目仲有一個點睛之處
旁白文案真係好用心
順口押韻 描述生動
齋聽旁白都係一段有香味嘅配音
何止聽出耳油
直程聽到口水都流！
而呢個好多人都贊嘅
100分旁白文案
其實就係導演自己寫同配音嘅
如果想跟住節目搵食都有方法
係呢兩個地圖嘅app上面
直接搜 人生一串
就會有相關嘅店鋪地址！
仲要係按播出順序！
除咗美食之外
都有好多燒烤小故事
再小一家店都有他們的追求
有人為咗生活
有人為咗夢想
有人為咗過去熟悉嘅味道
有人為咗一個約朋友出黎嘅理由
就好似節目開始講嘅
沒了煙火氣，人生就是一段孤獨的旅程。
係時候call埋班friend
落街食個宵夜先！！！
分享到:
閱讀更多 巴爾坦星吃貨小霸王 的文章
