系新華嘅老城區，隱藏住好多老店，尤其系新華路一帶。
撐媽媽同撐家姐講，佢地細個果陣，新華路一帶系當時新華最繁華嘅地方，花都人行街食飯睇戲基本都系去果邊。
就係舊電影院附近有一間美食店，已經系果度開咗17年了，一直到依家都依然日日爆棚，尤其系中午時間，去遲咗可能連位都無！
無錯，撐家姐講嘅就係“河記”啦！河記之所以系花都爆足17年，全因為老闆河叔咁多年來一直堅持做有態度嘅美食！
河記嘅老闆河叔系新華馬溪村人，河叔同撐家姐講，佢系2002年嘅時候就係新華路開咗“河記”。
河記一直以來都系主要賣粥粉面飯同腸粉，之前都有賣過幾樣甜品，所以當時就用甜品來做咗塊招牌。
河叔話，以前個檔口面積有限，人手有限，所以整嘅嘢都系以蒸為主，而且蒸出來嘅嘢會比較健康一d。
後尾因為隔離檔口搬走咗，所以河叔就租埋隔離個鋪位，將“河記”擴張咗。
依家嘅“河記”內部裝修過，變得寬敞好多，而且仲加咗個大招牌寫住“河記腸粉美食”。
河叔仲話，原來佢仲開過好多間分店，但系因為當時唔識選址，地段嘅人流量唔多，所以有好幾間分店到最後就做唔落去。
依家就得翻新華路呢間總店，同福寧路嘅一間分店。
撐家姐今日嚟到河叔呢度，一入門口就見到超多人，坐到爆嗮棚。
河叔話：我哋呢度中午一般都坐到滿曬，遲少少就無位置你坐啦！
仲有就係，撐家姐發現呢度都有好多本地嘅老人家來幫襯，帶埋d孫來食嘢。佢地都系河記嘅熟客，幫襯咗好多年。
話不多講，來睇下河記嘅菜單先啦~
來到河記，首先梗系要試下腸粉啦。
河記嘅腸粉選用嘅系正宗增城絲苗米。
增城絲苗米嘅米粒細少苗條，晶瑩潔白，而且口感柔軟。
用增城絲苗米磨出來嘅米漿，更加幼滑細膩。 咁樣嘅米漿整出來嘅腸粉皮，口感特別好。
揭開腸粉皮，牛腩就脫韁而出，進入撐家姐嘅視野。
河記嘅牛腩全部都系選用最靚嘅坑腩。河叔話，做飲食最緊要就係選料。
原材料選唔好，就做唔出好嘅菜品，所以佢寧願自己辛苦d都要
每日親力親為去採購。河叔仲話，果d系香港返嚟探親嘅同胞，每次返嚟都要嚟河記食牛腩。
薄薄的粉皮包裹著牛腩，軟糯嘅粉皮，有嚼頭嘅牛腩，結合在一條腸粉上。
結實帶筋嘅坑腩唔單止滿口肉香，亦系
牛味最濃嘅地方。
因為河叔以前成日同豬肉打交道，所以佢揀豬肉特別犀利！
特別系河叔揀嘅豬肝，並非浪得虛名，連廚房d大廚都話，煮過咁多豬肝，都系河記嘅豬肝最靚。
河記嘅豬肝腸，腸粉皮米香味濃郁，豬肝鮮香十足，再蘸一d醬油來吃，口感順滑，別有一番風味。
河記嘅粥選用嘅系增城絲苗米，用一次水，繫個大煤爐度煲。
河叔話，用大煤爐煲出來嘅粥先夠火力，再加上用最靚嘅米，咁樣出來嘅粥先夠綿滑。
河叔同撐家姐講：我哋嘅粥，就連對面人民醫院嘅人食過都返尋味！d護工啊，病人家屬都中意嚟幫襯。
河記嘅粥偏淡口，如果食唔慣嘅撐友，就可以好似撐家姐咁，系d粥度撒幾粒胡椒粉，咁樣都好好食~
撐家姐已經將呢個食法成功咁安利咗俾撐妹。
河記嘅蒸飯系即點即蒸嘅，所以如果點咗蒸飯嘅撐友，就要耐心d等待20分鐘左右啦~
店入邊嘅原材料，每一樣都系河叔自己親自落市場挑選，河叔每日早上五點鐘就起身去市場挑選食材，一年365日都唔缺席！
細到連店裡面嘅每一條菜，每一條茄瓜都要自己親手揀。
軟糯的茄瓜包裹住鮮香嫩軟嘅豬肉，香而不膩，口感獨特。
河記除了招牌的粥粉面飯之外，仲有糖水，雖然就得幾款，但系都好正嘎，撐友們都值得試一試~
講起“河記”，河叔就一臉自豪，佢十幾歲就已經開始出來賣嘢，所以對買賣採購特別有經驗。
河叔以前賣豬肉嘅時候，經常要交貨俾一d飲食店，接觸得多，久而久之就有咗自己嘅想法，理想就係自己開一間店做飲食。
經過自己嘅努力，河叔終於達成咗自己嘅理想，開咗“河記”。
其實做飲食一d都唔簡單，全靠河叔對美食充滿熱誠同態度，17年來一直堅持自己嘅原則，我哋先可以享受到咁正嘅美食！
中意就Mark低個地址，得閒去試下河記d招牌嘢啦~
河記腸粉美食
地址：廣州市花都區新華路44-1
電話：020-36831483
營業時間：週一至週日 05:30-21:00
人均：14元
交通指引：花18路（新華影院下車）、花10路（實驗中學下車）、花23路（實驗中學下車）、花62路（花都汽車總站下車）
地圖：
閱讀更多 花都我撐你 的文章
