《BB來了》最近熱播，除了女主角ail，很多人都稱讚飾演新手爸爸的黎諾懿演得好。其實黎諾懿在戲內戲外都是好爸爸、好老公，囝囝小春雞上年出世剛滿一歲，上年Sunday Kiss 為黎諾懿做訪問，訪問中他透露囝囝剛出生那時，作為一個新手爸爸，覺得囝囝將自己生命縮短。
囝囝是精神支柱
早前黎諾懿在Instagram發佈影片，影片中的黎諾懿戴著口罩仍然陪著小春雞玩耍。仲留言：無論幾累幾病，見到你笑，什麼也忘記了！#精神支柱#爸爸愛你果然是好爸爸！
兒子縮短我生命
黎諾懿在專訪中表示，當時為囝囝改名做黎峰睿，佢話一開始有兩個名揀，柏睿或者峰睿，問十個人，十個都覺得柏字親民啲、舒服啲，但佢就揀左峰，「阿囝聽住勒，因為作為我嘅兒子，系唔使太過平凡嘅，改個勁抽啲嘅，到你大個懂事唔鍾意，先再改啦！」
黎諾懿 笑言囝囝將我生命縮短，因為真系唔夠瞓，佢兩個鍾起一次身，「我諗所有新手爸爸媽媽都試過一齊起身、做同樣嘅野，依家我的精勒，求其一個起身，另一個休息，有一日我湊仔湊到頭暈、攰到好似開左十幾個鍾通宵，我叫外母幫我睇一陣，一瞓昏迷左八個鍾，依家開始識放手，就算佢喊都扮聽唔到。」
佢仲話諗住生夠一仔一女，最好系豬女，因為太太屬豬，太太話豬年嘅人比較好運啲。
我太太垂涎我嘅美色、追我，哈哈！
系拍《讀心神探》嗰陣，周美欣介紹太太比 黎諾懿 識，有幾次約出嚟食飯，我太太垂涎我嘅美色、追我，哈哈！我太太系非常之好
嘅女仔，單純、好，咁巖我同佢都單身，好自然行埋一齊。
問到妻子可有興趣再任幕前，我係唔容許，唔系佢想唔想，系我唔畀，因為呢行比較辛苦啲，一個家族入面一個做就夠，太太留喺屋企享嚇福OK㗎啦，辛苦野留番畀我做啦！
有人話 黎諾懿 系五億駙馬，連婚禮開支都系外家比，仲送樓畀佢的，黎諾懿就話 當初並唔知太太家境，第一次去佢屋企，都覺得有啲譁然，但時間可以證明一切，如果我識左佢，我唔做野就話啫，但當然依家好多人都覺得我孭住五億駙馬嘅身份，但我成日都話我太太嘅身家、歷史我改變唔到，我係鍾意我太太個人，其他人點講我都冇乜所謂，亦唔介意，我太太、我爹的媽咪、佢爹的媽咪理解就夠，我亦都唔需要同任何人交代。留畀時間證明，我有做野，我又唔系靠外家，有幾多億都分唔到畀我，駙馬系名稱嚟嘅啫！
因為老婆一句想要，就操出六嚿腹肌拍婚照。
黎諾懿 亦強調外家並無送樓畀佢的，但明白娛樂圈就係咁。系嘅我就唔使咁辛苦啦，最緊要屋企人知就夠，其實樓嘅野一check 已經知唔系，但我都明呢行系寫呢啲，唔通寫我好畀心機睇劇本羊？冇人會想睇啦！
信風水 求婚唔浪漫
我本身篤信玄學，有日，風水師同我講要結婚，唔系就要三年後，太太嗰時瞓喺我側邊，我就叫醒太太話結婚勒，佢話哦，咁結蘿！冇求婚！太太叫我買求婚戒指，幾個鍾後，太太話：『都系唔好，戴一世㗎，我信唔過你啲taste，我去揀完，你去畀錢啦！』之後仲要去餐廳扮求婚，我同太太講：『你都知嚟做羊，戒指你又見過，你覺得有羊驚喜呢？』佢話：『我唔理，你要做番。』求完，佢話：『都唔浪漫嘅！』我話你都知道曬，系唔會浪漫嘅。到生B，我同太太講：『老婆，我想生猴B！生咯！』佢話：『你可唔可以浪漫啲？」我話：「唔系呀，剩番半年，唔系想生就生到。』雖然最終生唔到猴B 生左雞仔，但我就係咁唔浪漫。
一聲「爸爸」冧死人
黎諾懿日前喺Instagram上載短片，再次引嚟7萬點擊率！片段入面見到小春雞超活潑，表情多多又中氣十足！黎諾懿在片段中直呼小春雞全名黎峰睿，又叫小春雞講「爸爸」。小春雞嘴鬱郁成功嗌出一個「爸」字，喺旁邊嘅媽媽都大為驚訝！
小春雞唔單止生得可愛，仲表情多多，唔怪得咁多哥哥姐姐鍾意佢！
小春雞肉緊大叫一聲：「爸！」，令諾懿大呼感動！
網民留言大讚小春雞肋仔，又一齊研究「爸爸」定「媽媽」易發音啲！
黎諾懿整蠱小春雞
即使升呢成為爸爸，但諾懿仍然系一名大細路，仲將目標人物鎖定為囝囝小春雞！早前，諾懿就分享左一條整蠱囝囝嘅影片，網民紛紛留言話爸爸好衰，究竟發生羊事？
片段一開始見囝囝小春雞坐左喺爸爸大脾上，諾懿作勢要喂提子俾小春雞食，但每當小春雞以為食到，佢又將提子拎開，搞到小春雞好肉緊，不斷大叫示威，又拍打爸爸隻手。可惜撒嬌都冇用，「大細路」諾懿見囝囝咁想食，當然要食住上，即使小春雞擺出可憐失望樣，佢都要繼續整蠱囝囝！諾懿分享片段時仲話：「小春雞完美示範：吃不到的葡萄………會什樣」，原來爸爸系專登想睇囝囝嘅肉緊樣！
網民除左留言話諾懿好衰，整蠱小春雞，佢的仲留意到佢隻狗狗都怕左呢場「父子大戰」，見唔對路即刻離開現場！
閱讀更多 五彩奔紛 的文章
