真系唔可以怪刘醒炭炉咁X嚣张，马来西亚70年树龄嘅极品老树猫山王榴莲
资深“猫粉”都知道，猫山王嘅品质在于树龄，猫山王至少需要7-10年先会结果。树龄25~30年以上嘅猫山王先敢叫good！（分分钟老过小编）
面有皱纹肯定无人会中意，唯猫山王除外。认真look look呢只“老猫”嘅皱纹，皱纹愈多年份越老，肉质口感就更正！外表仲覆盖住一层薄薄嘅糖皮，散发着浓郁嘅果香。一睇就知道味道够销魂！
每只刘醒牌猫山王，足有3、4斤重，小编好用力先抬得起！炭烧原汁原味298蚊/只，新鲜打包翻屋企慢慢叹先268蚊，猫山王榴莲鸡煲特价188蚊/煲，真系踏遍广州都未必有咁低价！
事不宜迟，即刻开炉，呢只70年嘅老猫，快到我嘅碗里来！（咪话小编唔提醒你，数量有限，烤制需时，请提前一日预约哦！）
炭烧猫山王榴莲
特价298蚊/只
好嘢值得等待，烧咗差不多成个钟。炭火猛攻嘅榴莲已经烧到爆晒口，散发住浓烈嘅奶香，轻易而举就可以撕开。
硬壳下嘅黄金果肉，彻底暴露眼前，平时去进口超市、网店随便买一盒猫山王都要200、300蚊，最多得2、3两果肉。家下成只食咁壕，心情真系好激动！（唔好同我抢，全部都系我嘅！）
微焦嘅表面，真系又黄又暴力，相信唔中意食榴莲嘅人都会忍唔住摆距入口。果肉好似雪糕一样软绵细腻。甜度提升咗好几个level，甜味特别回甘。小编一口气就食咗大半个。
猫山王榴莲鸡煲
原价：268蚊/煲
特价：188蚊/煲
特价188蚊叹猫山王榴莲鸡煲，好嘢要call埋小伙伴齐齐食先够热闹，一煲够3~4个人食。人均50几就可以叹正宗猫山王鸡煲，刮均广州真系无几间可以食到。
大过拳头嘅猫山王榴莲肉，原只泰国椰青水、椰青肉，就系啖汤已经赢晒！滚起落埋果园走地放养，肉质结实，鸡味澎湃嘅
熬开夜嘅老友，就要靠距补吓啦！榴莲肉、椰青汤底煮到香浓交融，汤汁香醇顺滑，清香扑鼻而嚟。汤水入口清甜滑润，榴莲肉煮过之后软绵甜香。连饮三碗汤都唔觉得腻！
福鼎黑脚麻鸡次次食都咁惊艳，鸡皮甘香，鸡肉点煮都唔会老，点少少辣椒圈豉油。鸡肉有咬口，越嚼越多汁，正到爆炸！
特色椰青鸡煲
138元（包含汤底）
除咗叫人“榴莲忘返”嘅猫山王鸡煲，仲有人见人爱，每桌必点嘅经典肯定系特色椰青鸡煲。
打飞的过来嘅泰国椰青、落单现开现煮、放埋椰肉、红枣、枸杞等滋阴补血嘅材料，搭配肥美嘅黑脚福鼎麻鸡，女士恩物当之无愧。
无数个夜晚，辛劳工作过后，想同小伙伴聚一聚，啤啤距，男女朋友唔想扮斯文锯扒想放飞自我，打完波好肚饿想食宵夜。。。始终都有刘醒炭炉嘅经典美食响你身边！
蒸腾而起嘅炭火，充满人间烟火嘅滋味，同朋友吹下水，劈下酒。有D美食，真系要露天嘅氛围之下，先有味道。
醒字牌烧烤
烧烤好伴侣，斋酒水就唔简单！科罗娜、1664等进口啤酒，露天炭炉烧烤档食出夜场feel。
蒙古绵羊排、新西兰青口、厄瓜多尔白虾、台山生蚝.....露天炭炉档食个烧烤姐，居然可以环游世界。
生蚝
78蚊/打 40蚊/半打
台山海鲜靓，老广都知道，刘醒炭炉嘅生蚝，尺寸大到只只都无法一手掌握！
唔使搞太多花巧野，蒜蓉+炭火加持，就已经足够鲜美！
记得要连汤带汁齐齐啪入口，扑面而嚟嘅清新海洋滋味，鲜甜软滑，绝对系靓仔靓女补身补肾美颜嘅神器！
羊排
58蚊/斤
蒙古小绵羊，外焦里嫩，肉质细嫩，冻咗都唔骚，唔中意食羊嘅老友，试一啖绝对有惊喜！
鸡中翅
10元/2只
听住星爷首成本曲边唱边食最有feel啦~外面层皮绝对系经典，通透酥脆，又带有鸡油嘅油脂甘香，正！
开山美食之台湾胡椒虾
当年刘醒炭炉可以企稳阵脚，都系靠呢煲胡椒虾。距系最早做台湾胡椒虾嘅商家，台湾订制嘅金属钛特制而成“狗母煲”，咁先够正宗。加入几十种药材香料秘制而成嘅胡椒粉，呢煲胡椒虾，点食都唔会厌！
风味奶油虾
特别适合靓女，奶味浓郁，刘醒炭炉另一杰作。俄罗斯进口动物奶油，食虾食出咗黄油蟹嘅感受！
芥末捞起系列
捞起系列响大众点评评价极高，深受靓女欢迎，尤其是TOP ONE嘅八爪鱼，话够晒小清新！
捞起青口，捞起生肠都好受欢迎，小编系生肠狂热份子，一个人可以搞掂一碟！