你有多久没食过充满“镬气”的鎹菜？
当镬气同冷气只能二选一嘅时候，你会点拣？
如果你选冷气，饭团劝你慎重考虑
（因为今期推荐嘅餐厅，两个字形容：超正！）
如果你选镬气，恭喜你，今期饭团推介绝对岩你胃口
今期饭团去了最近好hit的大排档探店
（详细地址在文末）
之前睇唑好多介绍，都话呢间店人气超级火爆
嚟迟半步都要慢慢排队等位
所以最惊排队嘅饭团，当日下午四点半左右就已经到店
店面并唔大，基本可以一眼望晒
而且店内可以话系零装修
甚至连空调都无
后来听餐厅嘅靓姨话，佢地五点先正式营业
要坐都可以坐住先，但就暂时不会落单炒鎹
好动嘅饭团，又点会愿意斋坐系度等？
而且饭团发觉系餐厅附近有不少特色西关建筑
非常适合中意打卡影相嘅各位朋友仔
（还有其他特色楼宇没拍的哦）
影完一轮相之后
都喺时候做正事——点菜
呢度嘅餐品选择颇多
斋睇菜名都已经样样想点、想食
而且价钱并唔贵，都系二三十左右
所以多点两样都不会太过心疼
（好多都想点嚟试下）
（平靓正）
首先上场嘅系1号选手咸蛋炒小瓜
呢个鎹嘅出场率极高，基本每围必点
（超多咸蛋）
香而不腻，咸而不苦嘅咸蛋
实实地包裹住每一块云南小瓜
咸香爽脆样样齐
OH！呢个鎹就算唔系咸蛋控都一定会爱上佢
紧接着出场嘅系2号选手美味鱿鱼筒
一上台，斋系望到呢两条逼爆只碟嘅鱿鱼
就已经瞬间食欲大增，开心到飞起
（吃货就系咁容易开心满足）
（分量超足）
而食落你会发觉....
哇，这两条鱿鱼之前绝对系运动健将
因为佢超级爽口弹牙
再加上大排档独有嘅味道——镬气
瞬间令佢地锦上添花，成为鱿鱼界嘅冠军
最后压轴出场嘅3号选手酱爆生肠
好多人都会对佢戴有色眼镜
觉得只要系肠，都一定要异味
对佢地耍手兼拧头
但咁样对佢地实在系太唔公平了！！！
其实处理得好，肠系唔会有异味，只会留低美味
（好似饭团之前饭团介绍过嘅卤水猪肠，同样都系十分好味）
而且生肠，更加系其他咁多种肠入面，最无异味嘅肠
好啦，讲唑咁耐，都系时候讲下呢度嘅酱爆生肠
作为压轴出场嘅选手，佢果然系非同凡响
初初落单嘅时候，饭团有点担心
酱爆生肠会韧到似香口胶，咬极都唔断
（毕竟饭团之前试过几间店嘅炒生肠都会出现呢个问题）
但喺呢度完全无呢个问题
呢度嘅酱爆生肠非常爽脆惹味，系饭团喺广州食过最好食嘅酱爆生肠
用嚟送啤酒或者可乐一流
而且如果你中意重口味D，仲可以夹住配菜中嘅青椒嚟食
相反你想清新少少，就可以夹住芹菜或者洋葱嚟食
当然，咩都唔夹，都非常十分极度之好食
（斋系为唑呢碟生肠，饭团就好愿意去二次探店）
而作为特别嘉宾出场嘅老火例汤——红萝卜煲猪骨
原本饭团无谂过要叫佢嘅
毕竟例汤通常都系淡而无味
但食到中途，可乐饮完后，当正想叫多支嘅时候
发觉唔少食客都会叫翻碗例汤嚟饮
于是系好奇心嘅促使下，饭团就叫唑碗黎饮下
味道虽然无乜特别，但胜在够足料
而且3蚊一碗，性价比还是不错的
（唔好误会，原本系满满的一碗，喺饭团饮唑一般先记得影相）
必看的温馨提示：
1. 店铺人气火爆，下午五点营业，基本没够五点半已经坐满，所以想去食嘅朋友仔，记得提早去
2. 店内无空调，只有风扇，所以怕热但又想去食嘅朋友仔，记得自备风扇
3. 落单最好开头一次性点晒，如果唔系，啊咦太忙靠记忆力落单，可能会出现漏单情况（饭团就是这样和藕尖牛肉无缘）
4. 鎹菜分量十足，所以想试多几款菜色嘅朋友，可以约多几个朋友仔去，唔好浪费食物
店铺详情：
店名：甜甜屋
地址：解放中路云台里2号
