週末又係煲劇好時機
上個星期同大家介紹咗綜藝
今日就來睇睇近日熱播嘅電視劇啦！
↓
《過來抱抱我》
豆瓣評分：8.5
《經常請吃飯的漂亮姐姐》未睇夠？
呢出同樣係愛情戲
由張基龍、秦基周、許峻豪主演
主要劇情係講述因為過去一宗殺人案
令到男女主開始咗波折重重的人生
首先出現嘅係男主女嘅青年時期
由南多凜同柳韓妃演
呢兩位都係熟面孔了！
一見到小男主出場
即刻諗起《W兩個世界》
演過好幾次李鍾碩嘅細個時期
劇情一開始就係甜蜜偶像劇路線
男女主一見鍾情
然後開始變熟
雖然故事老套
不過兩位童星演技都好正
特別係望住對方嘅眼神都好堅定！
回到主線劇情先
張基龍飾演嘅係警隊出身嘅警衛蔡道振
係一位積極向上充滿正義感嘅人
秦基周飾演女主角李泰梨
因為受到媽媽嘅影響
一直夢想成為演員
不過期間遇到咗殘酷嘅事件
最終都成功成為演員
故事就圍繞兩位嘅複雜感情
同埋個單殺人案展開
《武法律師》
豆瓣評分：8.6
自從聽講李準基有新戲
就一直好期待
因為呢幾年佢好少拍戲
但係拍親嘅基本上口碑都熱度都唔差
《武法律師》出來之後果然都係好評如潮
成績有幾好？
據韓媒報道《武法律師》首播當日
只有一集就已經打破咗
今年韓劇首播的最高收視率
而且一開始豆瓣評分都喺8.7左右
已經算唔錯了！
李準基飾演嘅係一個黑道出身嘅律師
戲中簡直係走路帶風
而且戰鬥力爆表
仲好中意去調戲對手
呢個設定加上李準基嘅樣
點都要狗衝去睇啦！！！
女主角係徐睿知
一開始都係個律師
不過因為同法官性格不和而暴打對方
然後就無咗份工
咁啱得咁巧就係女主嘅媽媽
曾經救過男主一命
然後男主就開始欲擒故縱
邀請女主成為自己的事務長
之後大家見面嘅機會就多咗
真係套路！
《漢謨拉比小姐》
豆瓣評分：8.0
呢出戏一開播就因為女主嘅一番話紅咗
相信大家就算無睇過劇
都喺網上見到過下面呢張圖
女主面對性騷擾言論嘅反擊
同埋喺職場上面受到嘅性別歧視
令觀眾紛紛大呼真實！
女主角由高雅拉飾演
設定雖然係熱血新人
不過做事就雷厲果斷
面對歧視勇於抗爭
金明洙飾演嘅男主角同樣吸引人
喺勇於發聲嘅女主身邊
男主更似我哋普通嘅旁觀者
一點點被女主角的熱情感染
慢慢褪去冷漠展現出溫暖一面
大家like呢種劇情嗎？
近期熱播嘅韓劇仲有唔少
唔知大家追緊邊出？
閱讀更多 可樂生活color 的文章
