黃智賢（Ben）和王君馨（Grace）擔正劇集《是咁的，法官閣下》，被外界贊劇情夠貼地唔似一般法庭劇，首度合演一對的他們仲一開始就是分居夫妻關係，設定夠曬有趣。已婚的他們又互贊跟對方合作開心又放心，有親密戲份另一半都不用擔心；兩人更大談同自己另一半相處之道，分享甜到漏秘訣。
談到戲內個案貼地被贊，戲中演大律師「範小宇」的Ben認為觀眾容易有共鳴，今次系以輕鬆手法，拍非一般法庭戲，以往大家可能只系睇到律師行業風光一面，但今次大家會睇到佢哋其實都要捱世界，租個office都好艱難。
由於劇情講Ben和Grace甫亮相已分居，甜密戲份已是回憶，不過仍有不少激情場面，Ben笑言：基本上系佢做主動，佢逼到我埋牆嘴㗎！Grace即反駁，佢嗰時唔知幾鐘意我咁做呀！不過後尾突然話要同我離婚囉！入曬戲的Ben和Grace打情罵俏好不甜蜜，幸好他們跟另一半出名溫馨，唔驚俾人誤會。問到兩人有咩夫妻保鮮秘訣，跟圈外太太結婚14年的Ben話一定要畀到對方信心，我從來唔會同女性朋友單獨約會，以免大家有咩誤會。至於Grace雖然跟老公Daniel結婚只有兩年，但遠距離拍拖11年，能夠維繫全靠個信字，我哋拍拖講好咗，如果有第二個一定要講，唔可以一腳踏兩船，同埋我都會講清楚畀老公知身邊男性朋友關係，如果發現異性有追求之意就會疏遠。
分享到:
閱讀更多 日日趣事 的文章
