之前可乐君就问过
大家宅喺屋企做D咩
有好多人都係选择煲剧
除咗重温经典
都有好多人追新剧
尤其是呢部《想见你》
可乐君见佢一更新就喜提热搜
真係超受欢迎噶
我哋可乐福利群嘅小伙伴
都有一齐追剧啊
@海珠区许光汉就话
自己一口气追到13集添！
另外亦有关于男主角嘅讨论
许光汉90年出世今年30岁
依然係小鲜肉嘅颜值
充满少年感！
well
究竟《想见你》係乜嘢剧集
令到大家咁投入呢？
剧集由柯佳嬿、许光汉主演
可乐君一开始睇介绍
都以为係普通爱情剧啦
人物介绍都係
青春爱情剧嘅感觉
但可乐君话你G“入坑不亏”
充满惊喜！
《想见你》唔止係爱情剧咁简单
佢有穿越加悬疑
仲要係越睇越烧脑嗰种
柯佳嬿、许光汉一人分饰两角
演绎处于不同年代但外貌激似嘅人
黄雨萱、李子维等角色
都係通过一部随身听
播放着伍佰《Last Dance》
然后魂穿到相似之人身上
一人分饰两角呢部分
有《金宵大厦》嘅feel
通过演员嘅演技
观众睇得出两个唔同嘅角色
而男女主角嘅爱情故事
又有D似《你的名字。》
唔认真睇好难分清时间线
and女主角由始至终爱嘅係边一个
穿越有固定条件
但穿越到嘅时间点不可控
加上主角无主角光环无开挂模式
大结局前心理医生谢芝齐
以及陈韵如“黑化”等因素
观众更加担心结局係BE
距离大结局越近就越紧张
逼到观众都变晒侦探
认真睇剧去揾破案细节
喺网络不同嘅平台
都有观众纷纷发出自己嘅见解
同大家一齐讨论细节
《想见你》咁多细节
咁多反转嘅剧情
观众都话佩服编剧同导演
目前剧集已经喺豆瓣周榜
华语口碑剧集榜连续霸榜4周
即将迎来大结局
而家入坑都未迟噶！
至于已经入坑嘅朋友仔
大家係为咩入坑呢？
不如投个票话俾可乐君G！
至于结局究竟会点
可乐君都好想G啊
不如你哋都一齐嚟估下？！
影视剧照
互联网综合整理
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方唯一商务合作QQ：190218206
閱讀更多 可樂生活color 的文章
