題記：上海為啥是一座海納百川呃城市呢？！只因為伊勒拉1843年11月17日依據《南京條約》跟《五口通商章程》呃規定開埠了，是中國沿海城市最早開埠呃城市之一，與此同時也是中外文化相互碰撞、相互交流與相互融合最早呃城市之一，伊格方言閒話也是有著狹氣明顯特點跟特徵。有些所謂呃最最正宗呃上海方言閒話（土語）當中，還有覅少是屬於外來語言哩，迭些外來語言還包含了外語及其他地區呃方言閒話（土語），上海人所講呃方言閒話（土語）當中，勒拉外語語種當中，主要還是以英語語詞為主，伊格方言閒話（土語）經過長期不斷呃發展與演變，從而形成了自成一體呃特點與特徵……
譬方講：有一句上海話叫做“上海閒話”，伊格意思翻譯成普通話就是講“上海呃方言土語”，有得交交關關多呃上海人，寫到“上海閒話”迭四個字時，歡喜把“閒”字寫成“閒”跟“言”字，筆者勒拉老裡八早呃辰光，也同樣會隨大流，跟著大家一道迭能去寫。大家只要認為是正宗呃上海人都可以去寫、去看呃，只要看得懂意思能夠領會就可以了，覅必要太過於去認真跟較真啊。實際哴向是被狹氣多呃上海人以訛傳訛了，最最正確呃寫法就是——寫成“閒”字，勒拉“上海閒話”當中，伊格讀音“閒”、“言”幾乎是一色似樣呃，只有“閒”字才代表著“方言”呃意思，然而“閒”跟“言”字根本就嘸得“方言”呃意思，覅是代表“方言”呃意思。今朝仔筆者就要去拿伊改正過來，凡涉及到“上海閒話”迭四個字時，再也覅能像老底子一樣去寫“閒”跟“言”字了，要把錯誤寫法去改過來、去寫正確了！
還有就是，每一嗰詞語都有的伊嗰出處，“閒話”一詞最最早是出自於元朝時期，元朝時期呃戲劇作家關漢卿寫有《救風塵》一書，勒拉第三摺中寫到：“喒閒口論閒話，這好人家好舉止，惡人家惡家法。”同樣是元朝時期呃戲曲作家武漢臣寫有《老生兒》一書，勒拉第三摺中寫到：“喒閒口論閒話，我問你咱，如今我姓什麼？”
上述三段文字是講關於最最正確呃上海閒話是哪能去寫，又是哪能去講呃。現在就去言歸正傳了，下面筆者就要來講一講，勒拉普通閒話當中，有得兩組詞意思跟含義是一色似樣呃，迭嗰兩組詞語分別就是“總共”跟“一共”。但必過，到了上海閒話運用當中，就會的演變成四組詞彙，有的四種講法，伊拉呃意思跟含義全部都是表示“總共”跟“一共”，迭嗰四組詞彙分別就是：“一塌刮子”（讀音為：yī tāguāzi）、“攏（攏）共”（讀音為：lǒng gòng）、“夯不啷噹”（讀音為：hangbulangdang）、“角落山姆”（讀音為：jiaoluoshanmu）。
本人是迭能樣子來認為呃，每一嗰地域呃方言文化跟方言土語，必定是有得伊格來源跟出處呃，所以覅管是勒拉講各類方言土語，還是去用中華文字拿伊寫出來，運用跟書寫一定要合理、恰當、規範與正確，絕對不可以含含糊糊馬馬虎虎大約摸著帶帶過去好了，因為有一句老話講得交關好啊，是迭能來曰道呃：“差之毫釐失之千里！”哪怕就是僅僅相差一嗰字，伊格來源跟意思，就會得完完全全變樣、變忒了，不單單會得產生生成出另外一種解釋、講法、歧義跟疑問，還會得讓人丈二和尚摸不著頭腦，是否是正確呃寫法與講法啊？！
本人雖然是生勒拉上海灘、長勒拉上海灘哴向呃，工作也勒拉上海灘，未曾離開過自家呃家鄉，【備註：外出旅遊是不覅好算數呃。】可以講是屬於“土生土長”呃上海人，但是血液裡向還流淌著20％呃寧波血統，只因為家母呃血液裡向流淌著50％呃寧波血統，有祖上是從寧波逃難到上海來討生活呃。所以筆者曉得“一塌刮子”是一句“滴滴刮刮”、“直骨挺硬”呃寧波方言，是從寧波流傳到上海灘呃，久而久之辰光一長，反而就成了一句上海閒話，就連得“滴滴刮刮”跟“直骨挺硬”也同樣是一句寧波方言，還因為勒拉中華民國時期，由於是戰爭呃原因，從而造成了逃難到上海灘哴向呃寧波人變得交關多，因此把寧波閒話帶到了上海，講得辰光一長，也變成了上海閒話。
勒拉中華民國時期、勒拉寧波地區有得三種人，第一種是跑船出海呃船伕；第貳種就是做各類生意大小寧波老闆；第三種就是寧波奉化地區裁縫師傅，伊拉被稱之為“紅幫裁縫”，因為“奉”字呃讀音跟“紅”字極其相近，到了上海灘哴向以後，“奉幫裁縫”迭四個字，久而久之就演變成了“紅幫裁縫”，最正確叫法應為“奉幫裁縫”。
勒拉中華民國時期、勒拉上海灘哴向，“奉幫裁縫”依靠精緻跟精湛呃手工縫紉技藝，加之伊拉又會得創新翻花頭，緊跟著掰搿辰光世界流行趨勢走，洋為中用中西合璧，贏得了南來北往國人呃好口碑。勒拉掰搿辰光，但凡是屋裡向揀銅鈿有得鈔票呃人家，是會得隔三差五到“奉幫裁縫”店裡向，去定做幾件掰搿辰光交關時髦呃衣裳，伊拉還狹氣吃苦耐勞，碰著交關大呃大客戶，還會得上門去服務，就連得某些外國人也看中了伊拉格技藝，也會得去定做幾件衣裳哦！
“一塌刮子”來源跟出處是迭能樣子格，勒拉老底子、勒拉“奉幫裁縫”技藝當中，勒拉裁縫板上總歸是要有得一小碟糨糊。只因勒拉掰搿辰光做衣裳，領口跟袖口呃褶皺處，要事先先用糨糊粘牢以後再好去縫針呃。所謂呃“刮子”就是塗抹糨糊用呃“木片”，又被稱之為“刮漿刀”。“塌”就是“塗抹”呃意思，所以應該當做為動詞來用呃。當碟子裡向糨糊快要用盡呃辰光，只能夠去“一刮子”時，裁縫會得對徒弟哇啦哇啦叫喊道：“儂只小鬼，豪掃去調調糨糊，把漿糊調調好啊，糨糊就快全部用光唔得嘍，迭眼漿糊只夠一塌刮子了！”
還有就是，“一塌刮子”呃“塌”字還可以寫成“搨”字，若是寫成了“搨”字也是對呃嘸錯誤呃，是表明了裁縫師傅做呃動作。
除忒寧波人歡喜去講“一塌刮子”迭句方言閒話之外，寧波人還歡喜去講“攏（攏）共”，“攏（攏）共”同樣是指“總共”和“一共”。譬方講，突然間屋裡廂來了七八嗰客人，屋裡只剩兩塊點心桃酥餅，寧波人就會的開口去講：“一攏（攏）共就嗰麼格兩塊點心桃酥餅，來了七八嗰人客，儂叫吾咋攏攏來，儂叫吾咋辦辦來！”
現代京劇《沙家浜》，第四場智鬥當中，胡傳魁就開口唱到：“想當初老子的隊伍才開張，攏共才有十幾個人，七八條槍。”……
筆者查閱到呃歷史資料中顯示，“攏（攏）共”迭嗰詞語，既覅單單是江浙滬一帶呃人會的去使用，也覅是江浙滬人獨有呃專利，就連的陝西洛陽人也會的去使用，勒拉洛陽方言閒話當中，“攏（攏）共”呃意思就是講：“統共共滿同滿”，洛陽人經常會的講：“攏共才幾個人，能幹下來嗎？”福建地區呃閩南語閒話、江西贛語方言閒話當中，同樣也會的去是用“攏（攏）共”迭嗰詞語語彙哦……
“夯不啷噹”迭四個字最最早出自於清朝末期的作家張春帆之手，是伊率先使用呃。伊格別名為:名炎，又別署漱六山房，出生於清代末期，具體年月跟日期不詳，出生地勒拉：江蘇常州，卒於1935年。著作有《九尾龜》、《宦海》、《黑獄》、《新果報錄》等長篇小說。其中的一篇著作《九尾魚》被文學家、思想家胡適稱之為“嫖界指南”。
張春帆在其小說《九尾魚》第六十四回中曰道：“倪當仔耐啥格事體實梗格發極，一塌刮子少仔幾百洋錢，也用勿著實梗樣式啘。”
中國現代著名作家、文學評論家沈彥冰，筆名為“茅盾”，著有小說《多角關係》一書，他在《多角關係》五中寫下了這樣一段文字，曰道：“儘管你昨天朝人家磕頭跪拜求過，——拉過交情，得過好處，今天輪到人來求你了，就要把昨天的事情忘記得一塌刮子精光！”
“角落山姆”一詞中的“山姆”兩嗰字，既覅是指一嗰外國人呃名字，也覅是指叔叔之類呃長輩，而是各嗰地方來到上海灘哴向呃中國人，為了要跟世界接軌，學習一眼洋派，從而就能顯得自家有腔調懂得交關多，加之英語是世界通用語言，更為了能便於跟外國人交流交流，就去學了覅少洋涇浜英語，只要是大致意思對了、外國人能夠聽得懂就可以了。勒拉中華民國時期“角落山姆”迭四嗰字，只不過勒拉上海灘哴向“英租界”、“法租界”跟“公共租界”慢慢開始流行起來呃，後來就被推而廣之，只要是上海灘哴向呃人，都會得去講一講，就連得角角落落裡向上海人，辰光一長也曉得了迭句閒話。
勒拉掰搿辰光，伊拉是採用啥呃辦法呢？！就是先根據英語語音呃讀法，勒拉大多數情況下頭，去尋找、採用各嗰地方方言土語讀音跟英語相近呃詞語組合而成呃，勒拉掰搿辰光是一種新式讀法，覅大正宗有一眼洋涇浜。“角落山姆”一詞就是來源於英語“whole sum”的音譯。英語單詞“whole”翻譯成為中文，伊所要指呃意思就是講“整嗰”跟“全部”；英語單詞“sum”翻譯成為中文，伊格單單意思就是講“加起來算”呃意思，迭兩嗰詞語拼了一道，就是指“總共”。
【備註：①文章為作者原創；②各類賀友直漫畫和各類文字動圖圖片均來源於網絡上；③感謝原創圖片。】
杜老倌俠客居（陸偉）寫於2019年07月24日星期三晚上
閱讀更多 杜老倌俠客居 的文章
