早日香港藝人盧覓雪被人惡搞發佈了一條女主角勁似自己的黃色影片，更加被導演李力持涉誹謗及虛假言論攻擊，抹黑她是性愛片的女主角，破壞女人的名譽，令盧覓雪大受困擾，要睇心理醫生！
然而，原來落井下石的並不只是李力持，還有曾跟盧覓雪合作的梁思浩。盧覓雪在社交網轉貼梁思浩於私人社交網的帖文，梁思浩帖文寫住：「救命呀！唔好再send嚟俾（畀）我啦！我唔要睇盧X雪呀！嘔四次了，佢唔系阿嬌、柏B！」梁思浩含沙射影以「盧X雪」隱喻，又配上「阿嬌」和「柏B」兩個名稱，令人聯想到當年陳冠希的欲照風暴，在受害女藝人傷口上灑鹽，行為令網民不齒
有人不值梁思浩的行為，將他的貼文傳給盧覓雪，她在私人社交網上公開對方的惡行：「朋友上星期六傳畀我，由於忙著與律師團隊跟進控告李力持誹謗事宜，沒有時間兼顧！今日終於可以整理一下我對呢個post的感受，曾經同梁思浩短暫時間做過同事，當時唔少人都曾經當住我面數臭渠、講渠壞話，問我點頂得順同渠一齊工作，我總是將疑點歸於被告，還以『來說是非者，便是是非人』打發過去...」
盧覓雪撕開梁思浩的真面目：「如果我唔識梁思浩，或者冇咁憤怒、失望，呢個人有事相求就darling前honey後，見到面又懶熱情又攬又抱，點知轉個背就不分青紅皂白落井下石，真想問一句，設身處地你會這樣對待朋友嗎？不得不感嘆，得友如此，何須敵人？結論，一個字......賤！」對此，梁思浩以短訊回覆《蘋果》：「不回應！（就係因為我當渠朋友，所以我叫啲人唔好send畀我，我亦都唔會睇，不看片段也是一種尊重）這個也是我私人Facebook，從不公開的內容！」
對於梁思浩的「不回應！」盧覓雪以短訊回覆，以彼之道還施彼身：「不回應！（一個男人公開踐踏三個牽涉性愛短片的女性之後，還臉不紅耳不熱咁稱呼其中一個受害人為朋友，得友若此，何須敵人！仲要撇清話叫人唔好send畀佢，渠亦都唔會睇，借問聲冇睇過點解會嘔四次呀？抑或見到我個名已經想嘔呢！不看片段也是一種尊重，咁佢點名的兩位女士呢？以他的邏輯，她倆的性愛短片才有觀賞價值，到時唔知道佢仲記唔記得尊重呢？）這個也是我在Facebook的私人賬號，從不公開的內容！（沒想到竟然會有人以為在私人賬號就可以偷雞摸狗地肆意攻擊、誣捏、汙衊、侮辱別人，而不需要負任何責任。由這次事件得知任何人都有朋友繫好事之徒，奉勸各位，交友小心。」
李力持在社交網指名道姓盧覓雪遺失電話，跟外籍男士的性愛片流出，但這單是5年前的舊聞，當年盧覓雪已否認是片中人；Chapman To 就事件發生代盧覓雪出頭，發律師信給李力持要求道歉及賠償睇心理醫生的費用。
閱讀更多 神經1支筆 的文章
