两年前，何雁诗因恋上郑俊弘（Fred），被指介入对方与未婚妻之间而背上「小三」之名，饱受网民连环狙击，言论句句狠辣，令她情绪崩溃疑抑郁复发，甚至传她遭公司「急冻」。
走过低谷，两人感情有增无减，她的歌唱事业亦重返轨道，今年推出两首新歌，包括有份演出的热播剧《牛下女高音》片尾曲《我会想念他》。提到在这漫长两年里如何过日子，何雁诗接受专访坦言：「都忐忑，以为公司放弃自己，甚至有啲绝望，都唔知有冇得再出歌。」
当年遭网民狂插，除了觉得难受外，她坦言有胡思乱想：「曾经觉得人哋成日闹自己，令我都觉得真係应该要收山！个人做到咁贱格都唔好再做人喇！」承受着沉重的负面打击，感到无比大压力是理所当然，她说：「其实感情方面，可能好多人都经历过呢啲，但因为咁多人谈论，真係好大压力！所以最近睇到韩国女星Sulli自杀单新闻，好大感触！我经历嘅同佢係冇得比，但我觉得大家喺网上谈论其他人嘅时候，可以多少少同理心。佢咁红、咁细个，但咁多人去话你，背后承受咗咁多嘢，我觉得係好伤心！真係好希望网上嘅气氛可以缓和少少。」
人言可畏，经历过后的何雁诗没有去追究谁是谁非，她说：「我淨係知道我经历咗呢啲嘢，但未死得，我仲喺度！」外表强装自信，内里其实很易被击倒，她坦言自己也要负上一定责任，曾经很任性的她自诩：「我觉得以往嘅我係要畀人打残吓、要贴地少少！可能以前我锺意谂咩就讲咩，觉得做人坦白係需要嘅，但亦明白到唔好讲啲嘢令人哋难过，始终透过媒体係好多人听。（你成日濑嘢？）经常，我讲自己嘅情绪係好容易衰，阿妈都叫我唔好讲晒自己感觉出嚟。」
「雁郑恋」总算经过时间的考验，如今渐为众人接受，何雁诗笑说：「我谂人哋迫住接受，冇得唔接受！时间可以证明一切，我哋依家个关係平淡得嚟好踏实。（视佢为结婚对象？）我谂每个拍得拖嘅关係，都希望向住呢个终极目标进发，我哋喺呢方面都有共识。」问到会否视过去两年是其人生低谷，她说：「我视佢为一个里程碑，喺人生里面我会记得我经历过嘅嘢，我仲学到好多嘢。」还幽默指最近娱乐圈吹淡风，庆幸自己早在两年前已学识如何去度过时艰：「我真係赚咗！
最近不时开Live自弹自唱，赢到好多「Like」，但何雁诗尴尬说：「其实我好惊畀人闹！可能呢几年喺网上畀人闹得多，依家再出新歌，我都好惊冇人听，上电台宣传都会谂人哋係咪想同我做访问！一路有好大嘅惊恐喺度，依家无论自己讲嘢定喺网Pose嘢，都会谨慎啲。」明白做艺人要食得咸鱼抵得渴：「谷住要抵得渴嘅，我唔想令身边人担心，爹哋妈咪最担心都係我情绪上嘅嘢。（情绪病好番？）嗯……（仲有食药？）唔讲啦！」
閱讀更多 娛樂研究中心 的文章
