YO YO（沮喪）：BO BO，我感覺好似比人呃咗啊。
BO BO：哇，咩事啊？
YO YO：之前新屋裝修，搵咗間裝修公司，佢哋彪炳話200元一方，唔好就退咁話。咁咪搵佢哋搞咯，點知……
BO BO（激動）：點啊？
YO YO（無奈）：點知，宜家裝修咗一大半，好多問題接踵而來，好似啲水管、電線原來攞咗啲劣質品牌代替，後嚟商定要增加的裝修項目，新增的單價竟然貴到好離譜。
BO BO：咁你仲唔投訴佢哋？
YO YO（無奈）：投鬼咩，籤曬合同啦。合同度一方面冇寫到具體用的材料，另一方面又有條乜乜條款話新增的款項按市價收取……本身諗住搵佢哋裝修可以慳返幾萬蚊，點知宜家未裝修好都用凸咗差唔多十萬。
主持（女）：家居裝修行業呢幾年冒起迅速，有啲商家為咗惡性競爭，狂打價格戰，"0元裝修"，"唔好包退款"等宣傳伎倆屢見不鮮。當消費者簽完合同之後先發現，當中存在好多隱性收費或選材不明確等問題，從而導致消費者難以進行消費維權。
咁其實消費者喺咪冇辦法維權呢？並不是的，消費者應該喺簽訂合同前要睇清合同的內容，並要求裝修公司明確裝修工程項目的所有內容，包括裝修時間進度、裝修材料方面喺由邊一方負責選購、產生額外的費用的具體收費標準等，同時還應約定好違約金的賠付比例。如果由裝修公司包料的，要註明每個裝修材料的品牌、型號，不能只籠統寫"國內知名品牌"、"國際名牌"等字眼，並且索要購買材料的合格證、明細表、發票等等。
萬一簽訂合同後先發現問題，消費者應立刻叫停工作，並拍好視頻和照片用來舉證，必要時找監理公司確定質量問題及對策，先找裝修公司協商解決，再找消委會與裝修公司聯繫調解，最後可以根據合同約定的爭議來解決條款走仲裁或者訴訟程序。當然啦，消費者亦應該貨比三家，選擇信譽好的商家方為上策。
以上環節由佛山市禪城區消費者委會特別提供。
消費投訴熱線：83285315，12345
往期回顧
閱讀更多 禪城工商 的文章
