呢个系我地一次任性噶决定。
落班时候话走就走，带埋通行证同身份证，连和谐号都无提前买就出发去香港，只系因为“突然想去”。
越系随意反而越有新意，
想讲一下喺太子街上遇到一间店。
因为呢间店，爱上咗一样叫“港式火锅”噶野。
1
毫无目的先会遇到“意外惊喜”
毫无目的来到太子已经接近十点，好多铺头已经陆陆续续收市，唯独见到哩度仲有新客入去，问一下门口个阿姐，知道开到凌晨3点，决定食饱先讲。
虽然已经十点有多，依然仲见到好多香港本地人陆陆续续坐低。位置唔大，不过香港其中一大特色，应该就系呢种人逼人噶市井气吧。
2
第一次打边炉
居然要刺身行先
刚刚入来坐低觉得好神奇，几乎每张台面都有盘刺身，于是想问下个阿姐系唔系可以点刺身，可能见我地唔熟，有个阿叔好热情咁同我地介绍。
估应该系老板，距话叫距明叔就得了。虽然行头好朴素，但是听我地话东莞过来，直接坐低同我地介绍，距话香港大概八九年前兴起刺身火锅，打边炉前刺身就系“前菜”。
象拔蚌刺身系明叔推荐，经过同行小伙伴投票，一致评为“是夜最佳”，淡淡地海水味，不过很鲜甜。明叔好自豪咁介绍，话距噶象拔蚌唔会落水浸，所以唔会影响蚌本身噶口感味道。
食刺身上瘾，加咗牡丹虾同黑池鱼。深深觉得下次要再叫多几个人来先的，盘盘刺身都好大，我地8个人，刺身已经食饱8成，相机内存大概已经拍咗1G。
明叔话有时季节唔同，会有唔同噶靓货，最好先去门口海鲜池望一下，问下楼面阿姐，就知道得一清二楚。
3
香港人打边炉
都有一套自己噶顺序
先选锅底：用老火靓汤做锅底
本身睇咗菜单，觉得沙爹汤最特别，点知明叔话清汤先最正。胆粗粗觉得食量够大，点了萝卜清汤牛坑腩同航天翅群锅。
港式火锅底其实就系一煲老火靓汤，一煲汤底上来，满满都系汤料，人少噶话，吃完汤料已经饱咗3成。
另外一个私心推荐汤底，因为牛腩食得多，但系牛坑腩其实好少，如果人多，一定要点两个唔同噶汤底，咁先够过瘾。
汤底用少有噶牛坑腩部位，汤味好清，基本唔会盖过食材本身噶鲜味。记得煲滚先饮碗汤。
必点牛肉：牛肉先行，猪内脏必食
香港人吃火锅，牛肉必须行先，饮完汤底，之后必定先渌一盘牛肉。至于边个部位，中意就得，无所谓部位同价钱。
除咗牛肉，发现菜单上面有好多猪内脏，粉肠、猪肺，连黄沙猪润都有。最讨欢心噶一定系猪润，手快有，夜点可能就卖晒。
记得唔好错过粉肠，听明叔讲，处理粉肠要先打结汆熟几成，先可以上台，每一条都唔会有味，内脏全部都处理得好企理。
香港系一个融合好多地方元素噶地方，都体验喺饮食文化上面。单单系一间火锅，居然有日料、中菜同一部分结合东南亚风味噶菜品。
既然一直开到凌晨3点，直接放开肚皮食。好似外面噶人一样，食火锅一定要人多先有气氛，吵吵闹闹，来去夹菜，先用蒸汽一样热热闹闹。
4
呢度最深记忆噶除了刺身配火锅
仲有搭台老板明叔噶经典语录
多得明叔教路，先知点样点菜。明叔一路介绍自己噶菜式，一路去讲自己噶经历。有一句好感动，问到明叔，会唔会好多菜处理好麻烦，
距话：“食嘢唔麻烦，如果用麻烦两个字，就唔够诚意啦。”
每次来香港都会感受到每个人对生存同理想拼搏嗰种力量，距地做事麻利，积极向上。可能多文化融合背景下每个人对生活都有唔同见解，不过一样噶系，每个人都好认真对待自己噶生活。
最后想讲：
第一次见识咗“刺身海鲜火锅”
有时候做盲头乌英都有好处
盲中中但系发现一间好正噶火锅店
其实香港真系好多好野食，融合好多风格噶美食
真系俾到人好多惊喜同新鲜体验
閱讀更多 新潮東莞 的文章
