擁有42吋長腿的連詩雅（Shiga）有樣又早成名，她昨日（11日）分享索爆三點式泳照 ，看似心情靚爆，原來正經歷人生低潮。兩個月前，她自爆與曾複合的男友徐浩（Terry）在疫情爆發期間已兩個月沒見，當時仍自信十足地指男友不會變心。
不過據知早於去年底，兩人已達成共識和平分手，回覆朋友及音樂夥伴關係，Shiga日前接受訪問首認分訊：「我哋分開咗一段時間。（係咪好傷感？）我覺得每段關係要結束都係傷感嘅。」
現年31歲的Shiga曾渴望早日結婚，擁有自己的家庭，全因父母早於她童年時婚姻破裂，是名存實亡的夫妻，過著「同居」的分居生活：「佢哋好辛苦咁去『捱』呢段關係，我細細個就同阿媽瞓，唔知爹哋、媽咪要一齊瞓。」
她懂事後才發覺父母間早有問題，雙親離婚後，最初幾年她仍跟父親保持聯絡，但近年已失聯，問到是否很想念父親？Shiga終忍不住淚崩：「
有時我會發夢一家三口坐喺度食飯！」
Shiga多首熱爆歌如《舊街角》及《I'm Still Loving You》皆是由Terry創作，兩人當初由多年朋友昇華成為戀人，如今又回覆好友關係，唯一不變的是彼此仍會互相支持。兩人在音樂上的合作火花頗大，問到感情上是否
擦不出火花？
她說：「唔可以話擦唔出嘅，但兩個人相處咗咁耐，有啲嘢喺呢刻唔係好有共識囉。」雖沒明言「欠共識」的所指何事，但言談中令人聯想到與婚姻問題有關，問她對婚姻有何看法，她吐出心底話，直言覺得婚姻與她愈來愈遙遠：
「兩個人喺某啲事情上嘅價值觀不一致，覺得婚姻或者一段關係，有時係需要有接近嘅睇法先可以繼續行落去。等於一段關係，一齊咗先可以完全瞭解到嗰個人，但發覺對某啲事情睇法唔一樣，或者好難搵到個位大家都認同，其實好難再去講結婚。」
分享到:
閱讀更多 我叫李大爺 的文章
