交代翻小小背景先，我同男朋友识左几日就一齐左，依家一齐左半年，但一直都冇对外公开，最多只系我系朋友圈私人分组发几张相，佢就影都冇影过我。我地未一齐之前我已经冇拍拖一年几，而佢同个ex分手一个礼拜就同左我一齐，佢同ex分手原因系因为佢周围撩女。但我个阵真系冇谂太多，完全冇理佢仲对个ex有冇嘢，只系觉得我地两个好岩嘴形，互相又有好感就一齐左。而且个阵佢话好想做个啲嘢，我心软就比左个处佢。
直接入正题，我有时屎忽痕会趁佢唔为意Check佢电话，头四个月每个月都会偷check一次。但我每一次都会发现佢周围揾女倾计，内容大概都系你做紧咩呀、我好闷呀、好挂住你、出唔出街之类既撩女说话。虽然我每一次都会嬲到讲分手，但比佢氹两下，我又心软原谅佢。
佢除左周围撩女，仲试过偷偷地约ex出街。头三个月仲会不断揾个ex倾计，因为我之前有佢微信，所以我知道佢个ex啲朋友同佢讲，叫佢唔好再烦住个ex，话咩睇唔出你有几爱佢，爱佢就唔会去揾女搞到分手，依家又烦住佢唔比佢有新仔之类。我个阵觉得佢只系当我免费鸡，个心仲有个ex，所以同佢讲分手。点知佢就拎几把菜刀嚟威胁我，话要出街斩人。我惊佢真系会咁做，就原谅佢多次。
去到第四个月，我又手痕睇佢电话，又发现一堆撩女纪录。之后又嘈到分手，但又原谅左佢。个阵我话我已经比左好多次机会佢，今次系最后一次，如果再有下次我真系分手。
依家到第六个月，我已经冇再check佢手机。因为佢应承过我再有下次就任由我处置，我都想相信佢多次。亦都想比翻啲私人空间佢，而且佢话check电话好冇私隐，但我就觉得你行得正企得正，怕咩比人check。
依家因为冇check佢电话，我唔知佢仲有冇揾女，但就疑心病重，成日觉得佢有揾，成个人好冇安全感。仲成日为左呢件事而嘈交，佢同我讲佢真系已经冇再揾，但有过咁多次前科，又唔分开我地既关系，搞到我好冇安全感，我冇办法100%相信佢。但同时我又好爱佢，佢系我拍过最耐既男朋友，又比左个处佢，我好依赖佢，根本唔舍得分手。
我到底应唔应该再信佢？
如果你有心事，欢迎私信留言
珍惜缘份发泄完依然要做个理智男/女友啊
关注下我啦~
更多心事：
閱讀更多 粵難粵愛I心事臺 的文章
