我地一齐左三年，而我最近对段感情不抱期望，唔敢想像同佢有将来。
我地系同事，识左几个月就一齐左，冇同同事讲到。有次出街，行行下佢甩开左我只手。我以为佢发生左啲咩事，佢同我讲见到个同事系面前行过，所以就甩开我只手。我当下唔知点反应好，佢又搞笑会讲事实俾我知，所以扮冇乜所谓。佢一直俾我既感觉系，我唔见得光、唔摆得上台面。
有次佢亲戚有急事要借钱，个时我地一齐左几个月，而我将准备为去旅行储既钱借左俾佢，佢又应承我系旅行前俾返我。结果系无⋯点知都系要穷游⋯仲要问人借钱去旅行。之后佢一时时都会向我借钱，我唔钟意开口叫追加还钱，足足拖左成年先清哂⋯但佢依然月月清、无储钱。
同佢过拍拖后既第一个生日，佢无计划去边、无礼物。其实我唔需要咩好贵重既礼物，佢写封生日卡、食餐饭都够。我介意系觉得佢唔重视我，连去边都无计划到。我嬲到系返左屋企，而我同佢讲我累了要返屋企，佢又信。之后，我竟然买左份礼物俾自己同佢，仲出返去搵佢送俾佢。佢生日既时候，系有开声同我讲，想要份礼物，而我都买左佢想要既野。到第二年，佢有谂到去边过生日，到我收到佢份礼物，我即刻喊出黎，唔知点解，觉得好心酸。最近生日，我想去既地方有啲高消费，所以入场费我俾，佢负责餐饮。
有次身体出现问题，要做个小手术。其间，检查都系自己去，因为佢要返工。到做个日，我都系要自己先到医院，就到做手术前，佢先赶到医院，因为个日佢都系要返工，无请到假陪我。我个段时间既心情好复杂好惊，见到其他人都有人陪，而我乜都系自己做，办理入院手续呀、检查呀⋯
（因为只系做个小手术，所以无同屋企人讲）
屋企人可能比较传统，佢地觉得要入屋叫人、拜访要带礼物⋯平时得闲同过时过节，佢上黎都系两手空空，连中秋月饼、新年拜年礼盒都冇。有时一齐出外食饭，都会私下夹佢俾钱扮请食饭，我之后俾返钱佢（一时AA制，一时我请）。有时都好想同佢去下新地方玩、试新野食、去旅行。但佢反应次次都系哦，得闲呀。我系每次都好嬲，佢系hea我，唔想去可以出声，我可以搵其他人陪架。我觉得佢只系中意佢自己，唔在乎我。
我有朋友觉得咁样好似委屈我自己，我亦都同佢讲过。而佢觉得佢一有时间就会黎陪我，连打机都唔打，叫佢出黎陪我都会出，佢家庭聚会又会叫埋我去，点会净系中意自己呢？ 。
佢将佢最宝贵既时间都俾哂我，我系咪好唔知足呢？但要走落去⋯我唔知。
要分还是不分呢？如果真系我问题，有无人可以教下我点做？
如果你有心事，欢迎私信留言
珍惜缘份发泄完依然要做个理智男/女友啊
关注下我啦~
閱讀更多 粵難粵愛I心事臺 的文章
