TVB劇集《BB來了》因為劇情貼地，獲得觀眾一致好評，其中楊卓娜在劇中飾演“金牌陪月員”王佳妙，獲網友大讚，不少網友也留言想要搵個好像阿妙的陪月員。而現實中，作為“三女之母”的楊卓娜當年嫁給“廣告燈箱大王”楊志翹後，一夜間，成了兩個女兒舒婷和舒雅的後母，因為丈夫因早年喪妻，遺下兩名女兒，雖然並非親生，但楊卓娜這位後母卻把兩名繼女視如己出，即使在09年5月11日母親節翌日，細女楊舒然(豹豹)出世後，這位媽媽也丁點沒有偏心，難怪繼女舒婷和舒雅也大讚這位後母，有如親生媽媽般愛錫自己！

生於單親家庭現實中是無私後母！ 楊卓娜視老公亡妻女兒如己出

近年陪月員成為搶手貨，對於每一位產後媽媽來說，一個好的“陪月員”絕對是湊仔的好幫手。在TVB熱播劇集《BB來了》中飾演“金牌陪月員”王佳妙的楊卓娜表示自己因為要飾演“陪月員”，所以在公司安排下報讀了相關課程。

楊卓娜飾演的金牌陪月王佳妙是位失婚婦人，育有一兒子！

“陪月員”是一門學問

佢表示雖然自己有湊小朋友嘅經驗，但好多細節嘅嘢每個媽媽處理方法都唔同，時代不斷變化進步，好多嘢要從頭再學，到拍攝時候，自己都怕做錯陪月要做嘅嘢，所以今次做呢個角色，能讓自己加深瞭解做“陪月員”原來都系一門學問。

楊卓娜在劇中飾演一名被爛賭老公拋妻棄子的單親媽媽，演技爆發讓不少觀眾都能感受到單親媽媽獨自將小孩拉扯長大的辛酸。而現實中楊卓娜於09年下嫁“廣告燈箱大王”楊志翹後，成了兩個女兒舒婷和舒雅的後母。不過，卓娜是一位“開明後母”對兩個繼女視如己出，即使誕下三女兒楊舒然後，對三個女始終一視同仁。

楊卓娜同不育失婚男徐榮在劇中都有感情線。

楊卓娜視老公亡妻女兒如己出

舒婷覺得媽咪雖並非親生，但一樣好偉大，從未為人母仍能接受另一半有兩個女兒。“媽咪一直視我為己出，唔會只對親生好，我同二妹都覺得好warm，有番媽咪愛錫。”一下子成為三女之母，卓娜湊BB的同時亦面對大女的青少年反叛期，她覺得青少年問題比湊BB更困難，青少年有自己思想，會質疑父母，她要邊湊邊學，見招拆招。“最重要系喺三個小朋友身上，我都得到好多愛。”

夫妻需有私人空間

現實中的婚姻，卓娜十分滿足現狀，生活安穩之餘，亦有空間追求自己的興趣。在湊女以外，卓娜喜歡閱讀、做手作，近期就愛上園藝，在小花圃種花種菜，療愈身心；相反老公的興趣大多是戶外運動，如踏單車、潛水。“佢有佢去玩，我就留喺屋企做我想做嘅嘢，我哋會畀空間對方。”維繫婚姻最重要是緊密溝通，有心靈交流，物質只是其次。“我一有唔開心都系同佢傾，佢會細心開解我，互相明白繫好重要。我唔會擺物質第一位，有得食有得住就得，或者買樓公一份、婆一份，不過依家樓價咁貴，租到間屋已經好好，再建立自己家庭，大家齊心、安穩就夠。”當然兩人偶有意見不合之時，卓娜不會與丈夫硬碰硬，他責罵時自己保持緘默，時間一過便會沖淡不快。

青少年比BB難湊

卓娜一入門成了三女之母，更是三女的新手媽媽，要湊不同年齡的小朋友。卓娜認為BB 不難湊，青少年才是最難，性格硬頸、不信任父母、易受同輩影響，只要教導上稍有差池，就好易讓小朋友誤上歪路。“我都系邊湊邊學，見招拆招。大女試過有段時期唔相信父母，產生咗好多爭執，例如佢拍拖，我哋唔想佢咁早開始，人選亦唔適合，爸爸呢方面好嚴厲，好驚個女學壞，成日唔畀佢同男仔出街，傾又傾過，打罵都試過。”

三姊妹雖然年紀相差幾遠，嗜好及生活圈子各有不同，但她們一致喜歡聽英文歌，在音樂上有很多交流。

這邊廂正面對大女的反叛期，另邊廂要照顧初生的細女，相對於青少年，卓娜覺得湊BB 只有辛苦，而非困難。“BB 時期只系一口舊飯，我話行東佢就行東，行西就行西，我最多系困身啲。小朋友愈大遇到嘅問題愈多，佢哋開始有自己思想，唔會聽你支笛，你要學識點樣同小朋友溝通。”

大家姐已投身社會，現職一名秘書；豹豹希望將來做一名時裝設計師。

對付學業反叛∶命令做練習

舒婷笑言青少年時期比較反叛，不希望媽咪太注意自己，尤其在學業方面，媽咪比較嚴厲。“啲練習多到……做到人都癲，我知媽咪為我哋好，買好多練習畀我哋溫書，一來想我哋成績好啲，二來要環保，買咗唔做好嘥。”卓娜解釋自己並非虎媽，而是另類懲罰，她不要求女兒考好高分，只要求她們做好本份，所以舒婷愈反叛愈要她做練習。“叫親佢做硬系唔做，咁就懲罰性，‘一份你唔做，咁做兩份啦！’就算依家都系㗎，佢唔交齊啲嘢畀我，我要佢畀double，再唔交就triple。”舒婷回想做練習的日子好可怕，更覺得父母又惡又煩，長大後才明白父母是一片好心。“畢咗業出嚟做嘢之後，比較番自己和同年紀的人，睇到大家喺待人接物上有分別，可能佢哋被父母縱壞咗，我就知道父母當初咁做繫有原因。”

豹豹小時候很乖巧易湊，卓娜覺得湊BB不困難，只是比較困身。

卓娜重視女兒的品德和禮儀，例如餐桌禮儀一定要做得好，不能失禮於人前。

播道書院有愛心

訪問當日，二女舒雅正備戰中學文憑試（DSE），每天也努力溫習，近來更溫到晚晚一、兩點。在三個女的學業方面，就讀名校嘉諾撒聖家書院的舒雅成績不俗，最不用父母操心，或許是她不想父母過問太多，經常說“我搞得掂！”卓娜贊二女最自發讀書，也從不投訴讀書辛苦。“佢全部都系自己搞掂，從來都冇補習，我提議過考DSE 前讀嚇‘雞精班’，佢都話唔使。”

卓娜主張教女從錯誤中學習，例如有次一位大哥哥問借錢，豹豹把身上12元零用錢全借給大哥哥，雖然錢銀不多，但卓娜要教導女兒有借有還，問大哥哥還錢之餘， 更不能隨便借錢， 豹豹現懂得金錢概念，儘量把零用錢儲蓄起來。

隨著二女快將中學畢業，卓娜可以專注於8歲細女豹豹，現讀將軍澳播道書院小二，她指出學校不主張抄寫及死記硬背，最重要明白課堂內容，配以適量功課，並重視平時分。“以前讀書只計測驗考試分，一次定生死，依家呢間學校會攤分好多項，有課堂表現、功課表現、老師印象分等等，計分好全面，對小朋友整體發展比較好。”

心思細密的豹豹最鐘意下棋，很多類型的棋都識玩。

播道書院重視生命教育，期望學生做到三點：做個好鄰舍、好學人及僕人領袖，並建立良好品格，追求學習表現及發掘才能。卓娜十分認同學校的教學理念，更稱讚校長有愛心。“佢對教育無保留，當小朋友系自己屋企人。校長老師對小朋友成長好緊要，因為小朋友每日有大部分時間喺學校，希望佢哋讀得開開心心。”

二家姐與豹豹感情最好，是豹豹的學習榜樣，父母就常以二家姐做得好的例子去教導豹豹。

後母絕不偏心

《灰姑娘》的故事耳熟能詳，大多人以為後母比較奸，只會對親生女兒好，舒婷指自己絕非灰姑娘，後母待她如至親，給予滿滿的愛，絕不偏心。

卓娜身為後母絕不容易，更做到對三個女兒不偏心，令三個女都感到滿滿的愛。

卓娜視繼女如己出，丁點偏心也沒有，與她自己的背景亦有關，她與妹妹楊怡自小爸爸早逝，在單親家庭成長，後來繼父的出現填補了她們的遺憾， 卓娜也希望把愛傳給下一代。“我一開始系認識兩個小朋友先，同先生一齊嘅時候冇諗咁多嘢，我好鐘意呢兩個小朋友同熱鬧大家庭嘅感覺，反而男女之間嘅浪漫我唔系咁著重，最重要系喺呢兩個小朋友身上，我都得到好多愛。”

每年母親節一家人會順道和豹豹一齊慶祝生日，原本今年打算一齊去主題公園玩，但媽咪可能要拍劇需改期，令豹豹有點不開心，媽咪承諾一定唔會走數，還有最愛的麥當勞食！

三姊妹年齡相距頗大，分別21、17和8歲，但年齡毋阻三人融洽相處，兩個家姐對同父異母的妹妹亦毫無隔膜，特別是舒婷比較開朗，在維繫三姊妹的關係上成了重要角色。“妹妹比較內向，好多嘢都收收埋埋，我好多時要主動同佢傾偈先知佢諗咩。一家人嘅性格都唔同，要互相體諒。”卓娜覺得一家人最重要有愛，女兒感到愛就自自然然愛對方，毋須刻意提醒要相親相愛。“佢哋三姊妹都好愛對方，大家姐一有時間就帶兩個妹出去玩。佢哋年紀相差好遠，社交生活完全唔同，不過二家姐同細妹仲系學生，返學放學時間差唔多，一齊喺屋企時間耐啲，所以佢哋更加糖黐豆，細妹甚至視佢為榜樣。”

豹豹做功課有不明白的地方會問家姐，但卓娜叫家姐絕不能直接講出答案，一定要用引導方式讓她理解過程，寧願做錯，到改正時才解釋答案。

楊怡謙謙想生女

眼見三個小朋友漸漸長大，舒婷更已投身社會，現職一名秘書，工作穩定；而舒雅亦即將中學畢業，只餘下舒然仍要好好照顧，卓娜笑言開始有“甩難”感覺。

至於想生仔先定生女先，卓娜笑指謙謙是圍村人希望生仔先，但受朋友感染下作出180度轉變，現希望先做女兒奴。

與楊怡姐妹情深

其實卓娜除了對2個繼女很好之外，同時也是一個孝順女和好家姐。楊怡結婚時，卓娜特別為她DIY一個手工城堡，當阿怡知道時，立即眼溼溼表示好感動，手工城堡好靚。佢話家姐由細到大手工好叻，連接花車嘅車頭公仔要親手整，愛在心中好感動！

卓娜同媽咪去英國參加阿怡的婚禮

妹妹結婚 卓娜當然要做姐妹

姐妹互相扶持

楊怡與楊卓娜兩姐妹感情深厚，無話不談，更經常一起去旅行，如果對方有各方面的困難，都會伸出援手。卓娜更說過想與妹妹一起做美容生意，實行有錢齊齊搵！阿怡也說過，自己有個家姐好幸福，家姐錫自己系知道，一切在心中。

兩姐妹超孝順

可能因為在單親家庭長大，卓娜阿怡2姐妹特別孝順！

羅仲謙同樣都是非常重視家庭的人，夫婦二人非常合拍！

家庭觀念重

楊卓娜與妹妹 楊怡 自小爸爸早逝，楊媽媽獨力撐起頭家，所以就算當兩姐妹組織了自己家庭，加上工作經常不定時，但仍然每天都記掛著媽媽，一有假期就會和家人相聚。

卓娜細女豹豹5歲生日會當日， 楊怡 同媽咪都有到場為豹豹慶祝，一家人好溫馨啊！