大結局劇透！《BB來了》嚟到結局篇，劇中couples嘅關係大部分轉差。不過，基於大臺慣例，斷估最後都應該系開心BBQ嘅。
「絕世好爸」黎諾懿成為紅爆網絡嘅KOL，但就變到搵錢大過天，連允豬日常生活都搞到好商業化，不停拍片sell產品，令Ali勁不滿。
最後，佢更被踢爆假扮記者，向士多老闆取得「保護龍仔」片段，再放上網自制新聞。Ali覺得老公為咗錢做假，連關心自己同個女都系做戲，於是提出分開，並帶允豬返外家。
羅樂林方面，的起心肝學游水但遇意外入院，陳秀珠無問候反而踩多兩腳：「不自量力，累人累己。」羅樂林忍氣吞聲，直到出院返屋企發現心愛嘅金魚死咗，終於大發脾氣鬧陳秀珠當佢透明，唔顧佢感受，再離家出走。而陳秀珠獨對家中空魚缸，終於醒起自己忽略老公多年。
高海寧有咗李家大房長子嫡孫，於是潘芳芳阻止範文雅騷擾高Ling，更同高Ling籤協議，「以與黃致豪共同擁有嬰兒撫養權為條件，換取1980擁有權」。
姚嘉妮回應吳家樂嘅表白，關係更勝從前，但又覺得同男方格格不入，只好放棄感情，仲搵一班姊妹唱K散心，點知木獨吳家樂突然「劉華」上身，大唱冧歌搏得女方歡心。
楊證樺要求楊卓娜複合不果，大受刺激下刀傷害徐榮，又令徐榮被車撞到入院。楊卓娜悉心照顧徐榮，見對方好得七七八八後不辭而別。
徐榮懷疑盧宛茵趕走楊卓娜，但Madam Lo否認，更終於承認自己有問題，破壞咗兩個仔嘅婚姻。
最後，希望有個圓滿的結局！
分享到:
閱讀更多 廣飲廣食 的文章
