《BB來了》徐榮 演不育失婚男
徐榮在《BB來了》中飾演黎諾懿的哥哥葉致遠，同太太離婚後性情大變，性格看似孤僻惡死又愛錢，但骨子裡好顧家，一個孭起頭家，搵錢供養大使嘅阿媽，而且佢仲好錫細佬黎諾懿。
話時話，今次系徐榮同黎諾懿第二次飾演兄弟喇！對上一次系《愛．回家》嘅馬強同馬壯！
第11集，交代徐榮離婚嘅原因，楊卓娜飾演的金牌陪月王佳妙接左個新客人，正是徐榮嘅前妻阿May，對方已改嫁及生左一個囝囝，依家陀緊BB！
徐榮接載楊卓娜去開工時，點知撞巖阿May穿羊水要生得，徐榮二話不說幫手車佢入醫院，阿May母子平安，多謝徐榮送佢入院，仲叮囑佢找到佢愛嘅女人時唔好放手，搞到徐榮悲從中來走左去⋯
楊卓娜追出去搵徐榮，徐榮話前妻早在結婚前已經好恨生BB做媽咪，可惜婚後徐榮做檢查至知自己不育，佢對此秘而不宣，但麻煩阿媽盧宛茵恨抱孫系咁迫前妻生BB，結果徐榮選擇離婚。
有次楊卓娜嘅兒子龍仔在託兒所被同學欺貞，楊卓娜才驚覺兒子對於走左佬嘅丈夫阿成(楊證樺飾)一直耿耿於懷有陰影，事關阿成好賭欠下街數，於是楊卓娜孭起頭家幫手還債日以繼夜打工，但阿成反誤以為楊卓娜勾佬畀綠帽佢戴，有晚攞把菜刀要斬要殺！
徐榮得悉後，自告奮勇經常幫楊卓娜照顧龍仔，相處耐左，二人不知不覺間暗生情愫！
連龍仔都話：「我鍾意Ben叔叔！」但其實二人只能把愛意藏心底, 因為楊卓娜老公只系走佬, 二人未正式離婚。
不過阿成從雜誌知道阿妙成為有名陪月員，連日跟蹤佢仲知佢同徐榮往來好密，以為老婆同徐榮有路！
卒之阿成喺盧宛茵65歲大壽玩寸party，結果徐榮揮拳打佢，阿成不憤離去…
BB來了
佳妙丈夫用鐵鏈鎖龍仔
致廷代佳妙照顧龍仔時，阿成竟將龍仔帶走，致廷終找到被鐵鏈鎖著的龍仔，成發現後追趕二人，黎諾懿僕落地隻手受傷，幸無大礙。
致遠離家出走
致遠恐怕成會再次騷擾佳妙及龍仔，遂安排為二人物色新居卻惹來麗貞不滿。致遠不滿麗貞，決定離家出走……
BB來了
楊證樺疑戴綠帽 怒斬徐榮
阿成知道徐榮連屋都幫楊卓娜找埋，認定徐榮系姦夫，阿成怒火中燒下找徐榮報仇，揮刀襲撃，徐榮不敵受重傷！
閱讀更多 五彩奔紛 的文章
