《BB来了》徐荣 演不育失婚男
徐荣在《BB来了》中饰演黎诺懿的哥哥叶致远，同太太离婚后性情大变，性格看似孤僻恶死又爱钱，但骨子裡好顾家，一个孭起头家，搵钱供养大使嘅阿妈，而且佢仲好锡细佬黎诺懿。
话时话，今次系徐荣同黎诺懿第二次饰演兄弟喇！对上一次系《爱．回家》嘅马强同马壮！
第11集，交代徐荣离婚嘅原因，杨卓娜饰演的金牌陪月王佳妙接左个新客人，正是徐荣嘅前妻阿May，对方已改嫁及生左一个囝囝，依家陀紧BB！
徐荣接载杨卓娜去开工时，点知撞岩阿May穿羊水要生得，徐荣二话不说帮手车佢入医院，阿May母子平安，多谢徐荣送佢入院，仲叮嘱佢找到佢爱嘅女人时唔好放手，搞到徐荣悲从中来走左去⋯
杨卓娜追出去搵徐荣，徐荣话前妻早在结婚前已经好恨生BB做妈咪，可惜婚后徐荣做检查至知自己不育，佢对此秘而不宣，但麻烦阿妈卢宛茵恨抱孙系咁迫前妻生BB，结果徐荣选择离婚。
有次杨卓娜嘅儿子龙仔在托儿所被同学欺贞，杨卓娜才惊觉儿子对于走左佬嘅丈夫阿成(杨证桦饰)一直耿耿于怀有阴影，事关阿成好赌欠下街数，于是杨卓娜孭起头家帮手还债日以继夜打工，但阿成反误以为杨卓娜勾佬畀绿帽佢戴，有晚攞把菜刀要斩要杀！
徐荣得悉后，自告奋勇经常帮杨卓娜照顾龙仔，相处耐左，二人不知不觉间暗生情愫！
连龙仔都话：「我锺意Ben叔叔！」但其实二人只能把爱意藏心底, 因为杨卓娜老公只系走佬, 二人未正式离婚。
不过阿成从杂志知道阿妙成为有名陪月员，连日跟踪佢仲知佢同徐荣往来好密，以为老婆同徐荣有路！
卒之阿成喺卢宛茵65岁大寿玩寸party，结果徐荣挥拳打佢，阿成不愤离去…
BB來了
佳妙丈夫用铁链锁龙仔
致廷代佳妙照顾龙仔时，阿成竟将龙仔带走，致廷终找到被铁链锁着的龙仔，成发现后追赶二人，黎诺懿仆落地隻手受伤，幸无大碍。
致远离家出走
致远恐怕成会再次骚扰佳妙及龙仔，遂安排为二人物色新居却惹来丽贞不满。致远不满丽贞，决定离家出走……
BB来了
杨证桦疑戴绿帽 怒斩徐荣
阿成知道徐荣连屋都帮杨卓娜找埋，认定徐荣系奸夫，阿成怒火中烧下找徐荣报仇，挥刀袭撃，徐荣不敌受重伤！
閱讀更多 五彩奔紛 的文章
