曾幾何時，我們都是伴隨著通俗易懂、幽默詼諧的童謠，連同簡單的遊戲，渡過了我們快樂的童年。時光飛逝，隨著科技的進步和人們生活素質的改善，這些老掉牙的童謠和自己樸素的童年印象，已經被現代忙碌的工作生活所替代。今天我們一起重溫那一段“樸素”的時光，聽一聽南寧人童年記憶中的“南寧古仔”。
凼凼轉，菊花園，阿嫲孭我去睇龍船，龍船母好睇，返嚟睇雞仔，雞仔大,捉去賣，賣得幾多錢，賣得三百錢，金腰帶，銀腰帶，請你公公婆婆出嚟拜，拜得多俾嘀我，拜得少，留俾你兩公婆。
二叔公，吹火筒，買碌蔗，又生蟲，買只餅，又穿窿，買只餈粑呢喉嚨，搵個老婆耳又聾。
河邊有隻羊，河邊有隻象，河邊有隻馬騮精生得鬼咁樣，蒸冬糕，蒸冬糕，蒸出發菜糕。
落雨咪咪，水浸田基，田基有戲唱，阿婆落蚊帳，蚊帳有木蝨，囁著阿婆只大屎窟。
鹹魚頭。鹹魚尾，邊個大吃就係你，摞條繩仔綁著你，再摞蠧牛屎屯死你。
老豆當三叔，三叔當木碌。牛耕田，馬食谷，老豆搵錢仔享福。
月光光，月白白，老鼠偷蘿蔔，盲佬裝見，啞巴喊捉賊。
獨吃獨生瘡，打死冇人幫 。
點蟲蟲，蟲蟲飛，飛過隔離尋婆嘀，婆嘀有隻蛋，摞比仔仔送飯飯。
行……行，行到街邊執只橙，橙好食，路好行。
麻雀仔，尾彎彎，做人新抱實艱難，早早起身都話晏，又挨家婆打一餐，打斷三條蘇木棍，打開羅裙血淋淋。
工人叔叔打米育，農民伯伯打赤肋。
禽羅大屎窟，吃得毋做得 。
老嘿殼，賣豆角，一日賣得三四角。
風溼痛， 腰骨又痛，耐耐又痛嘀嘀，耐耐又痛嘀嘀。
頭尖額窄，周身賤格，毋系扛棺材就係執垃圾。
從前有座山，山裡有座廟，廟裡有兩個和尚講故事，講咩故事呢？講從前有座山，山裡有座廟……。
螞蟻多多，螞蟻惰惰，出來扛豬仔哦。
光頭爺爺坐火車，行到半路屙督Ｋ。
切列婆，賣菠蘿，賣畀地主做老婆，地主毋要佢，一腳把佢兜落河 。
麻蹩愛食芥菜粥， 豬乸愛食麻蹩肉。
春天到，夏天到，稍牙行到西瓜鋪，食曬西瓜毋算數。人怕鬼，鬼怕人，西瓜最怕稍牙人。
肥婆肥婆跌落河，執番上來暈舵舵。
落雨大，水浸街，阿哥擔柴上街賣，阿妹出街著花鞋。花鞋花襪花腰帶，珍珠蝴蝶兩邊排，有錢打對玲瓏鼓，冇錢打個石榴牌。
大笨象會跳舞，馬騮中意散步。
點腳乒乓，牛仔過牛坑，牛坑毋打鼓，白馬毋行橋，車靈車靈定，車著阿嫲第一名。
打開蚊帳，打開蚊帳，有隻蚊，有隻蚊，快啲摞只拍嚟，快啲摞只拍嚟，拍暈佢，拍暈佢。
心驚驚，面青青，老師拉我去辦公廳。
邋邋遢遢當警察，乾乾淨淨肺癆病。
肥仔義，賣豆豉，賣到年初二，執得一隻大利是。
穿針筒，穿針筒，小小孩童買回去，留畀阿婆噤阿公。
阿威哥，耍陀螺，耍毋見賴老婆，老婆哭噎噎,老公扯何車（二胡）
我愛我嘅爛拖鞋，日夜都拖出街，三個華僑婁我賣，我都母戳賣。
落雨灄灄，穿對爛木屐，行到塘邊，碰見只夾夾（田雞）
買就嚟，買就嚟，毋買就雞啼，鯉魚糕，鯉魚糕，食得肥努努。
小球藻，摞尿做，食哂肥努努。
電燈著，鬼拉腳，拉著肥婆去打麻雀。
捉塘咩（蜻蜓）我孭你跌落塘。
街中間果個大肥婆，街中間果個大肥婆 ，佢定定拉住我，佢定定拉住我。
馬嘟嘟，馬特特，隔離阿婆做生日，毋識請我麼？梳頭等幾日。
為食鬼，執螞蟻，人地咁高你咁矮。
執得當買得, 有錢買毋得。
癩痄君，肚皮痕，人地食飯你咬痕（抓癢）。
光頭椰子，上山屙白屎，挨我裝見，罰佢兩毫紙。
白衫打底，皮鞋響底，毋系衰仔就係契弟。
賴哭貓，偷錢買豬屌。
月光光，照地堂，年卅晚，摘檳榔，檳榔香，嫁二孃，二孃頭髮未曾長。
你有哪些記憶中的“南寧古仔”呢？
在留言處給我們留言
與大家一起分享那一份童年的記憶吧！
閱讀更多 南寧發佈 的文章
