英皇呢期多喜事，繼蔡卓研（阿Sa）坦認同「百億麻將館太子爺」石恆聰（Anthony）拍拖半年外，鍾欣潼（阿嬌）亦大讚臺灣靚仔婦科醫生男友賴弘國對佢好好。容祖兒唔使講，同劉浩龍拍拖五年感情穩定，早前更有傳兩人將於今年尾結婚。拍拖好Sweet，但同老死夜蒲又系另一種快樂。上週日凌晨1時，阿Sa、祖兒、Mani、關智斌（Kenny）及古仔經理人Ronnie約埋去蘭桂坊夜蒲至凌晨3時，眾人離開時行得穩唔太醉，阿Sa有男友揸波子接走，祖兒就排隊搭的士離開，個個笑住走，玩得好盡興。
本來10月4及5日，容祖兒同李克勤於雪梨及墨爾本開演唱會，但臨開Show前巡唱突然被取消，為歌迷帶嚟不便，Joey都非常唔好意思。唔使開Show，祖兒選擇留港消費同約老友短聚開心嚇。
一班零食殺手
當晚約凌晨一時，眾人現身蘭桂坊街頭，阿Sa著牛仔外套打扮低調，而Joey就穿閃令令上衣加氈帽，因為頂帽戴得低，佢稍為低一低頭就會遮住個樣，半遮面喺人海老蘭中的確可以保到平安。眾人行去一間位於地牢無招牌嘅私竇飲野，唔夠半個鍾同Joey好Friend嘅老闆娘好友餘麗絲就行去私竇旁嘅便利店買零食，薯片蝦條執左一大包，半小時後，Mani同餘麗絲再入便利店，除補給零食外，仲買埋叮叮魚蛋。
阿Sa有仔接送
食零食加飲酒，眾人玩至凌晨3時離開，阿Sa由Kenny及Ronnie護送行去雲鹹街，原來百億男友石恆聰揸左架波子嚟接佢，而喺內地搵埋大把嘅Kenny亦有人接送。Mani、Joey、餘麗絲及英皇同事就慢慢行去的士站等的士，雖然好多人發現巨星喺附近，但夜蒲友無打擾Joey，排隊排左15分鐘，Joey就登上的士離開。
分享到:
閱讀更多 天天微電影 的文章
