原來系機迷！何依婷唔吼靚仔，最愛搞笑男！
何依婷劇中系絕世港女。
何依婷事業心仲好強。
何依婷話明唔會收兵。
26歲的何依婷獲TVB力捧，於處女劇《機場特警》扮演“絕世港女”，並與男主角楊明發展感情線，令她大感新鮮。選美出身的她外表亮麗，原來是“機迷”一名：“比較鍾意打角色扮演，同升級攞武器嘅game，最瘋狂系求學時期每日放學返屋企就開始打，食飯時間捧埋飯餸喺電腦前繼續，打到好夜。”
她記得12歲時行徑瘋狂，為了打機試過問同住的爺爺可否“唔沖涼”，遭嚴厲責備：“你係女仔嚟，唔得咁！”不過她知道底線：“知道幾時要收手，高三時想升大學，所以冇再咁沉迷。依家有打返，有次上節目講打機，雖然已經將私人戶口打咗格，但竟然有粉絲搵到我，仲留言‘何依婷，我愛你！’”
自稱“冇拖拍”的她認為，若與未來男友有共同嗜好，彼此感情會更牢固。至於擇偶條件，她笑說：“唔使靚仔，但一定要有嘢吸引到我，例如佢捉棋好叻都系優點。為人孝順同有幽默感，我會比較欣賞。”
刻下條件不錯的女士，相信有不少異性主動“當兵”，但依婷卻不喜歡這種“潮流”：“收兵即系要畀啲Signal人哋，我從來唔會咁，有嘢寧願自己做好過攞著數。感情事我會謹慎處理，觀察對方好耐，例如發現佢對其他人冇風度，我都覺得要即時斬纜！”感情事隨緣，但依婷對事業發展野心勃勃：“以《學是學非》兩位師姐為榜樣，司儀工作想做到好似麥美恩咁，拍劇就以李佳芯為目標。”
Profile
姓名：何依婷
出生日期：1994年2月23日
三圍：32、22、34
興趣：網絡遊戲
分享到:
閱讀更多 娛樂三國 的文章
