一脱成佳话嘅“龚烨”张景淳，原来副Body咁得，有齐腹肌胸肌，唔只睇到“熊若水”吕慧仪O晒嘴，网民都流晒口水，又再次集气希望两人现实中都在一起！
而喺龚烨嘅社交网，10张有9张都系两人嘅合照，不过喺水水出现前，最多同龚烨合照嘅女星，系一位无綫咪神！
佢就系拥有34D身材嘅张秀文，两人上年突然传绯闻，其实佢哋相识多年，喺早年曾合拍《食力派》、《文化新领域》等节目，张景淳都毫不避嫌经常上载两人合照，断断续续有9张咁多，仲有啲头贴头，非常亲密！不过两人以“好兄弟”及“好姊妹”相称，男方仲曾经话：“若果碰见我和这位先生在吃饭或密斟甚么的，不要误会，他是我多年来的好兄弟。”不过自2016年11月21日最后一张合照后，张秀文正式被淘汰！
而喺佢2017年加入《爱．回家之开心速递》后，吕慧仪开始出现喺张景淳嘅生命中，仲渐渐洗晒自己个Instagram版，萤幕情侣形象入晒屋，又不时喺网上耍花枪，好多留言都大赞佢哋好衬、好Sweet！唔知会唔会有日真系假戏真做，擦出爱火花圆网民梦呢？
分享到:
閱讀更多 娛樂三國 的文章
