好多外地嘅朋友仔，經常羨慕我哋識講粵語，去到香港唔洗驚溝通問題。
其實好多時候，一句話就可以辨別到你係廣州人定系香港人，重要系喺蒙查查嘅情況下，畀人一嘢督穿，場景一時十分尷尬......
到底廣州粵語同香港粵語有咩唔同呢？
01
喺香港，如果你嘅卡唔夠錢坐車點算？第一反應肯定系去7仔充卡啦！
此時你應該講：___________
如果你一上來就開口講：“唔該，充值啊。”咁，你將會接受周圍人嘅圍觀......
喺香港，你應該講“增值”，而唔系“充值”。
02
我哋廣州人自細就被教落要珍惜糧食，唔好浪費。食唔嗮，梗系要帶返屋企喇，結果......
真人真事，阿Y喺茶餐廳食嘢沒食嗮，習慣性講一句“打包”，遠處嘅阿叔投來意味深長嘅眼光。
後來先知，原來喺香港，打包系“打包屍體”嘅意思。
03
去大排檔食番餐“鑊氣”重嘅嘢，最後畀錢嘅時候，要記得唔系“埋單”，系“找數”啊！
不過有點年紀稍微大一啲嘅老友記都會吸管講找數啵，呢個可能就係同歷史傳承有關喇，就好似好多外省嘅朋友，都鍾意講“埋單”。
04
去買嘢飲嘅話：
喺廣州，問人攞吸管要記得講“唔該，畀支吸管。”；如果喺香港，就要講“唔該，畀支飲管或者飲筒。”
05
喺香港嘅白領，除咗鍾意一句話搏命加英文單詞，仲鍾意講“畀隻手指我”，唔系血腥，而系“手指”即系U盤。
可能系依家廣州年輕人習慣用普通話表達，從而偏向用“U盤”，80/70後嘅廣州人會比較習慣用“手指”。
06
意思系：一直屈喺屋企嘅人。
呢嗰詞嘅區別，絕對系因為網絡用語嘅影響，因為其實廣州粵語一直都有“窮L”之類嘅表達用語。
香港嘅“毒L”一般帶貶義，而“肥宅”偏中性。
07
“飛X”同“走X”而引申出嚟嘅詞有好多，意思都系“唔要乜乜”。
08
“耳筒”的“筒”，我估計系從電話聽筒轉變翻譯過來，從而保留咗“筒”。
“耳機”遵從普通話嘅翻譯習慣，從而產生了差別。
09
“膠布”唔系“膠紙”而系“止血貼”，相信好多人都系第一次聽講。
如果你受傷想問人借嘢或者買嘢嚟止血，記得講“膠布”。（原來上次買唔到止血貼系因為咁......）
12
最神奇的差別用詞就係佢！
估唔到，充電寶、移動充居然被叫做“尿袋”，系因為形狀神似尿袋，隨身攜帶，而且很重要嗎？香港人嘅想象力真豐富。
除咗尿袋，佢仲畀人叫做“奶媽”。
10
香港嗰邊將oatmeal，翻譯成麥皮，喺因為佢哋覺得，呢種食物系麥子嘅皮，所以叫麥皮。
而我哋翻譯成“麥片”，估計系因為形狀一片片吧。
11
呢嗰詞，如果唔系去深入旅遊生活，真繫好難接觸到。
“屋苑”兩個詞都係指房屋嘅意思，系比較書面化嘅詞。
13
呢種也都是起名習慣唔同所導致，“回形針”就係從外形入手，而“萬字夾”就係從功能方面入手起名。
14
最後一個橡皮擦，以意想唔到嘅方式，辨別廣州、香港以及深圳人。
廣州人鍾意叫“膠擦”，香港人習慣叫“擦膠”，而深圳人會叫“擦子膠”。聽講，深圳每個區都唔一樣，唔知你哋嗰邊又點叫呢？
最後
香港同廣州嘅用語屬於同一宗源，有好多基礎用詞、俗語都系一樣。依家差別比較大嘅詞，一般都系因為兩邊嘅人，因為社會經濟發展、文化生活習慣發展方向不一，而造成的差異。
雖然以後依然會存在差異，亦有可能彼此新興詞彙越變越唔同。但系渴望學習母語，渴望傳承本土粵語嘅願望系一致嘅。
無論以後點樣變化，能夠同聲同氣地溝通，系全部粵語區嘅人嘅願望。
各位老友記，
你哋仲知道咩香港同廣州差異用詞？
你哋覺得以後兩地嘅用詞會點變？
快啲嚟評論區發表下見解喇！
閱讀更多 報告廣州 的文章
