各位猫奴
平时会陪主子瞓觉吗?
每当主子走埋嚟
安安静静瞓喺你身边
感觉係咪特别冧猪?
不过对于嗰D受过伤害
被人遗弃嘅猫猫
要瞓喺一个人身边并唔容易
Safe Haven Pet Sanctuary
係一间美国动物收容所
呢度收留咗各种猫猫
有热心嘅猫义工
会过嚟陪D猫猫玩
名副其实义务撸猫
其中一位猫义工
75岁嘅Terry伯伯
最近因为陪猫瞓觉爆红
佢每次嚟收容所
都会撸猫3个钟左右
间中会瞓个晏觉
猫猫就会爬上去佢个身度一齐瞓
画面超有爱啊
收容所将佢嘅事迹摆上网
引起劲多人讨论
仲因此筹得3万美金捐款
原来Terry好钟意撸猫
日日都嚟撸猫
所有猫都摸过晒
而且知道猫猫嘅喜好
虽然佢成日都瞓着
不过猫猫需要佢
后来Terry伯伯知道自己红咗
觉得相当震惊
而收容所都同样感到震惊
网民觉得好warm
话未见过D猫咁安心瞓觉
其实我哋身边
都有好多流浪嘅猫猫狗狗
假如可以有呢类型动物收容所
大家可以聚众吸猫之余
又帮助到小动物
你话几好呢!
閱讀更多 可樂生活color 的文章