天時暑熱，堆仔已經熱融了。如果人可以像只狗一樣，伸條脷出嚟可以降暑的話，堆仔我都會叫一聲：我！願！意！
作為一個打工仔，呢個夏天究竟有幾慘呢？
晚頭夜瞓唔好，朝頭早被熱辣辣的太陽曬醒。男生要用啫喱執下個雞窩頭，噴D古龍水。
精緻女孩仲有一整套的護膚化妝流程要搞：爽膚水乳液防曬隔離粉底遮瑕眉毛腮紅口紅……
好不容易執得身光頸靚出門……結！果！在太陽底下行唔夠五分鐘，皮膚好似乳豬脆皮咁樣烤緊，頭暈眼花，大汗耷細汗。
歷經千辛萬苦，終於翻到公司，先至發現：髮型塌了，妝融了，衫溼透了，一身臭汗#@￥%&*！最慘嘅是，公司空調壞埋，在CBD甲級寫字樓熱到中暑，講出去都冇人信啊……
為了在這個慘無人道的大蒸籠生存下來，堆仔從港劇中提煉出一套辦公室Hea霸生存指南，益自己又益街坊，一齊學下點樣偷雞~蛇王~吞撲~
一、“扮”公室四大法寶
港劇Hea霸文化源遠流長博大精深，其中的集大成者要數《絕代商驕》裡面的子華神，他總結出來的“扮工”保命四寶——Hea做、假度（dok6）、虛應、陪笑，絕對是職場必殺技。
Hea做，聽上去好似人人都識，但其實唔簡單。陸永在《幕後玩家》，Hea到鼻鼾聲都出埋嚟，在廁所瞓足一個上午，就梗係天怒人怨搏鬧啊。
所以Hea到準時交差，仲要畀老細贊，咁就要學下子華神嘅“頭七尾七，封面企理法”啦。
即是頭尾七頁，是開足馬力嚟做嘅，中間就塞碎料,矇混過關。比如劇中他們想推介印尼蘇蝦米，中間就放一些印尼女傭、度假村的資料進去。
日理萬機的大老闆，通常只是過塑甘樣望幾眼份Report。只要老闆滿意份報告的厚度（約等於你的用心程度），又掃到符合大主題的關鍵詞，封面再包裝靚啲，一般冇事嘅。
好似部劇話齋，做市場調查，一年同一晚，當然有區別啊。老細畀幾多時間你，你就睇餸食飯，根據時間交功課，一分錢一分貨啊嘛。當然，如果老細特別眉精眼企，就另當別論。
假度，就是要識得劃重點，度一度有咩橋。戲裡面，他們知道老闆著緊宣傳方案，就以slogan作為突破口。一句“蘇蝦米，從蘇蝦到蘇蝦託都鐘意食”，出彩吸睛，老細果然覺得有料。
所以，這個方法是要把握老細和客戶的需求，提早準備好幾個重點問題，投其所好。
其他無關緊要的，就求其是但，臨場應變發揮演技。
說到這裡，一招“虛應”你值得擁有。所謂虛應，就是換個法子，把老闆的意思重複一次。
比如《愛回家·開心速遞》裡面，大龍先生開始話給Mary負責搞裝修。講咗兩次自己“放手”。點知，一個轉身就靈感大發，話想搞開放式office……
老細五時花六時變。點算？兩個做細嘅咪即刻贊老闆咯。
另一個還引用外國的例子佐證：
虛應，精髓是“虛”，點到即止，自己不要發揮太多幹貨，搶老闆風頭就不好啦。
虛應完之後，老闆通常都會躊躇滿志，高興起來還會畫個大餅。這時再來一個集體儀式就happy ending啦——咪就是“賠笑”咯~
人生如戲，全靠演技。老細演講完，絕對不能冷場，大家要跟著笑，全場大笑。這樣歡樂氛圍，才能襯托出老闆的英明神武，也寓意上下一心，朝著目標go go go！
二、得閒鬆一鬆法
學識四大法寶傍身後，賺到嘅時間就可以做自己嘢啦。正所謂，停一停醒腦提神，Hea一Hea舒筋活絡。港劇辦公室文化，最叻嘅就是打發時間。
女仔可以學下《男親女愛》的Apple，左手食百力滋，右手補妝，把口仲可以繼續卸膊。
時間充裕，仲可以塗指甲油。男仔就可以剃下須，執下個樣。
或者跟《法證先鋒》的章記偷下師，扮肚餓、肚屙，乘機衝去投注站。
這絕不是個例，被Miss Mo壓榨到變形的阿Lok，也是電腦神奇顯number之後，就馬上電話落注。
做人最緊要有希望。得閒大家都可以落街買注雙色球，既有個發達的奔頭，又可以做公益。
其實只要想玩，賭下邊個阿頭會上位，都得。
最淡定的kill time,要數《誇世代》裡面的尚通人。臨近失業，紫惠這個專業Hea精，馬上沽清公司零食。
大家歡天喜地討論船上party,認為可以給銀行沖喜。紫惠更犀利，倒閉都唔care，玩咗先算。
人生苦短，面臨失業都保持樂觀心情，花式Hea完呢任東家嘅最後一程。這就是真真正正嘅“天跌落嚟當被冚”。
三、同事三分親法
要做一個成功的Hea霸，個人的Hea功固然重要，但最緊要的是好人緣。畢竟，公司人多嘴雜，只有自己hea好容易出事，關鍵時候就要靠同事打救。有名你叫“同事三分親”啊。
反面教材章記，人緣比能力仲要差，次次Hea，次次俾同事爆響口。大家一定要引以為鑑啊！想和同事鋪好友誼的小床，首先要口甜舌滑，千祈唔可以“得罪人多稱呼人少”。
呢一課，從清朝穿越過來的耿直四娘一下子就get到了，立即改口。唔叫大姐、兄臺，逢人都叫靚仔靚女。虛偽嗎？“伸手不打笑面人”，虛偽好過被人篤背脊啊。 具體點稱呼人哋，大家就與時俱進，自由發揮啦。
聽說，皇帝仲靠同款tips成功上位，試用期未過就升職加薪。一人之下萬人之上嘅雍正都得，你唔好同我講你唔得啊！
總言之，同事，就是用來裡應外合的。
最簡單的做法，就是唱雙簧。睇下《鬼同你OT》，配合得幾好喔。
平時，要養成情報收集的好習慣。在門口偷聽下阿頭嘅動態，評估下辦公室政治的大勢。
社交軟件也不可以放過。得閒玩手機，大家一起八卦收風，絕對是辦公室Hea文化的精粹。
當阿lok被Miss Mo熱咖啡淥手的時候，仙姐先將Miss Mo逼到去門口，質問她有無同情心。轉個頭又找了支湯火膏救侄子，靜雞雞提醒阿Lok。
如果你無仙姐這種勞苦功高的親戚帶挈，就要有一兩個靠得住、演技好的同事，係老闆搵你的時候幫下口。
但好像陸永，講大話搵同事笨，仲要係擺屋企人上臺。呢種冇節操且不可持續的Hea招，我們要Say No。
有錢一齊賺，有Hea一齊嘆。Hea嘅最高境界，應該就是好似餘樂天咁樣，帶領大家起義(同流合汙)。
阿Lok一直在醞釀民怨，終於有日忍無可忍，將史上最難搞的Hea霸殺手、律師界鬼見愁Miss Mo激走咗。然後在光天化日之下，帶領大家衝破“辦公室不得食飯盒”的文明防線，開大餐打邊爐。
雖然呢場起義以煙霧警報和辦公室水災結束……但是隻要團結hea心，蛇王偷雞都係小兒科！
四、自己補鑊法
俗話說，百密都有一疏。Hea出車禍現場，如何讓自己好過一D，避免食豉椒炒魷呢？
首先，肯定要認低威Say Sorry啦。《法證先鋒》裡，章記的理由很有創意，就是自家狗狗患了情緒病。雖然聽上去很誇張，但的確是事實。請重點關注他的演繹，七情上面。
如果你有拖延症，C君教你衣起棚牙，笑笑口應承。
袁偉豪仲犀利，先發制人，再講下自己遇到一些小困難。
第二次被Madam催，拍曬心口，吹噓自己份報告“即將”會幾完美，同Madam繼續實行拖字訣。
更取巧一點，就是搏同情分。子華神告訴你，Hea得嚟有時都要勤力，起碼給老細睇到你勤力。
比如，通宵嘔心瀝血趕一份合同，第二天頂著熊貓眼，嗓音沉痛，動作哀惜，一副憔悴可憐的模樣。相信只要你上司不是Miss Mo那麼變態，一般都會湧起惻隱之心噶。
平時也要把握機會，抓住上司傷害自己的“痛腳”，適當時候裝瘋賣傻。子華神就誇張發揮“腦神經不協調”症狀，亂飆英文法文，哇哇大叫，舉止反常搞衛生……
更兵行險著的一招，是“大翻你轉頭”。在《棟仁的時光》，喪喪的袁偉豪明知自己做錯嘢，都仲敢Hea到盡。明知會遲到，仲排長龍買蛋撻，淡定請同事食。
老細當然噴到佢狗血淋頭，但……這個老臣子一遞辭職信，老細就即刻轉呔，好言相勸，之後仲主動提出加人工哇……
當然，更常見的情況，就是Hea完被老闆收拾一頓。點算？唯有用阿Q精神勝利法安慰自己咯。《誇世代》Mike Sir教你“補身法”：
又好似袁偉豪在《鐵馬戰車》咁樣洞察Hea嘅真相：
即是，食~腦~執~生~啊！
所以呢，堆仔最後要話你知，Hea都要講中庸之道。Hea的前提，是保住飯碗，唔可以時時刻刻都hea嘎。好似堆仔咁認真咁專業做呢份Hea霸攻略，你就明啦。
閱讀更多 埋堆堆官方 的文章
