陈山聪薛家燕跳“抗疫十字步”！

陈山聪薛家燕跳“抗疫十字步”！

陈山聪到电台接受薛家燕的节目访问，两人更大跳“抗疫十字步”。受访时薛家燕多谢陈山聪在其生日时拍片送上祝贺：“我个女搵佢拍片同我讲生日快乐，我好感动、温暖，百几个亲朋戚友同我讲生日快乐，嚟紧佢有套新剧《十八年后的终极告白》，所以请佢上嚟倾吓偈。”山聪即谓薛家燕答应他会睇晒20集，又笑言回家会叫太太一齐跳十字步，让BB可以健康。

问到可会传授一些凑B心得给山聪？她说：“我知道山聪每次都会陪太太去做产检，我话系好Sweet同温暖，因为我佗过三个，当年先生好少陪我去做产检，我个心好唔舒服，因为先生陪自己去知道BB进展系好重要。”山聪亦谓这感觉很开心奇妙：“依家4D可以睇晒个仔个样，嗰种感觉未试过，生命系好奇妙，同埋妈妈真系好伟大。”问到此事可有勾起不快回忆？薛家燕说：“唔系嘅，我只系将我体验话佢听，都想话畀大家听陪太太做产检好重要。”

讲到BB将于暑假择日开刀出世，问到可是很期待？山聪表示：“医生提醒太太要尽量喺屋企休息，因为疫情，同埋佗到一半，又系第一胎，所以想佢留多啲喺屋企挨吓，睇戏听歌有胎教就得。（有冇上堂学定啲凑B手势？）冇呀，因为呢段时间上唔到堂，不过我有上网睇吓同睇书，同埋好彩身边都好多朋友有经验，例如陈敏之、胡诺言、林子善、太太个妹啱啱又生咗，所以好多人都帮到我哋。”