TVB新剧“肌”场特警
咁快就播咗一个礼拜
你有无追到呢？！
追剧嘅朋友仔
睇咗之后
都唔少意见咁wor
比如话吐槽D演员猛咁show肌
觉得套路同学警差唔多
（朋友你暴露年龄了！）
可乐君揾返D旧相look look
又确实几似wor！！！
当时一样係show肌
仲有就係
对女主角蔡思贝有好多争议
有一见到佢就想弃剧嘅
又有认同佢适合咁man嘅角色
赞佢演得唔错
well
虽然少不了吐槽
但大家睇睇下觉得
係好睇过《法证4》！！！
可乐君觉得
呢出剧起码似返TVB正常画风
尤其是D小打小闹嘅剧情
真係亲切感返晒嚟！
剧集除咗猛男show肌
仲收埋唔少靓女
你哋有无留意到呢？
今日可乐君同大家一齐数数！
汤洛雯
靓汤大家都好钟意啦
今次佢喺剧中饰演空姐Nana
原来佢之前以为
自己入嚟要演特警噶
咁大家钟意睇佢斯斯文文做空姐
定係想睇佢操fit演特警多D呢？
话唔定佢肯演特警都几有突破噶！
之后剧情会讲到
佢同张振朗、蔡思贝陷入三角恋
最后结果会点睇过先G
but，係你会点拣？
何依婷
2017年港姐亚军Regina
今次係第一次拍剧
平时温文尔雅嘅佢
剧中佢饰演一个港女性格嘅网红
同杨明有感情线
之前加入《学是学非》
已经积累咗唔少人气
大家对佢嘅印象都几好
寻晚一集show大髀同杨明谈情
更加係激起好多网民讨论啊
网友就话
佢好有可塑性
绿茶同乖乖女都可以演
大家又点睇呢？
孙慧雪
雪雪一直以来都係宅男女神
虽然现实已经嫁为人妻仲生埋BB
但个样依然好嫩好可爱！
今次剧中饰演黄子恒老婆
角色性格係傻大姐类型
雪雪话
生完B返嚟拍剧
都有D紧张
点G第一场就係亲热戏
大家觉得雪雪演人妻演成点？
有无觉得係本色演出呢？
邓佩仪
佢係2012温哥华华裔小姐冠军
and 2013国际中华小姐冠军
入行都有几年时间啦
喺机场特警里面
佢係除蔡思贝以外嘅另一位女警
大家都睇到
佢造型同样十分男仔头
但原来角色对钟意嘅人
或者屋企人嘅时候
就唔会咁man
係一个亦刚亦柔嘅角色
虽然佢暂时无咩话题
但今次喺剧中都有唔少感情戏
大家都可以留意下佢嘅表现噶！
wow
咁多靓女
你pick边个呢？
不如投个票睇下？！
well
你觉得《机场特警》点？
最近仲追紧咩剧？
有咩好推介记得话俾可乐君G！
微博、优酷
艺人社交平台
*文中图片如涉及侵权请联系，立即删除
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方唯一商务合作QQ：19021820609
閱讀更多 可樂生活color 的文章
