无线经典剧集《铁马寻桥》2010年首播，来到今年已经十周年，TVB将于2月18日的中午以及深夜时段重播。提起《铁马寻桥》，不少网民都大赞好睇，而剧集更令郑嘉颖、马国明、唐诗咏、林子善，黄嘉乐成为老友，组成了“铁马家族”。他们不时相约食饭，早前新年更一齐到“大佬”郑嘉颖家拜年，非常热闹，感情犹如亲兄弟姊妹。
“铁马家族”成员劲老友，早前到“大佬”郑嘉颖家拜年。
“铁马家族”成员因拍剧相识十年再变成老友，饰演“二弟”的马国明深感难得：“最开心呢班朋友由唔识去到好熟，同佢哋好夹，好快好熟又一齐去食嘢。成套剧气氛好好，大家都好钟意个剧本，一家人bonding感觉好强，亦都中咗个剧本。我哋系被欺压嘅一家人，后尾团结渡过好多难关。拍咗好多套剧，唔系每一套剧嘅朋友都可以咁friend，keep住联络，我好好彩。”
马国明最开心系同呢班朋友由唔识去到好熟，大家好夹。
虽然“铁马家族”一众成员friend过打band，不过马国明就爆原来当年林子善觉得郑嘉颖好寸：“子善有同我讲过未拍呢套剧之前，觉得嘉颖好寸，拍完先对佢改观。我拍《铁马》之前已经同嘉颖好熟，我又未至于觉得佢寸，不过就好cool，唔系好出声，开头都惊夹唔到，后来开多两日工就觉得佢好好玩。佢表面cool，其实佢好易相处。我知好多人觉得佢好寸，外表畀人感觉比较串，识落几好笑。”
子善当年觉得嘉颖好寸，拍完就对佢改观。
当年《铁马寻桥》的口碑非常好，却失落了“最佳剧集”，最终由《公主嫁到》夺得。马国明对此未感可惜，奖项属其次：“最开心听到大家话好睇，奖项唔系最紧要，当年可能都有好好睇嘅剧。有冇奖对我哋成班演员嚟讲冇咩所谓，最紧要拍嘅过程开心，观众钟意就更加锦上添花。”
分享到:
閱讀更多 港劇電影 的文章
