*所有文章版權歸屬楊柳風人文學堂【署名版權歸屬署名作者】

·老無錫話家常·（外一篇）

一代還一代

王阿姨搭老阿婆住勒一道，婆媳婦淘哩關係勿好，動勿動虎起著個面孔。特別是小格，動勿動對老阿婆哇拉哇拉惡聲惡氣，碰碰心氣勿足格辰光，還要摜家。老倌是個嘸用場人，根本管不住兇老婆，只好隨便老婆強兇霸道。老阿婆嚇得一日到夜坐勒壁角落裡像只“煨灶貓”，響也勿敢響。

王阿姨有個伲（兒）子，到年廿六歲了，還嘸不結婚，女朋友也勿談。王阿姨急煞落了，勒伲子門前經常嘮裡嘮叨。伲子鑊娘煩勿不過，就搭她講：“我勿是勿想結婚，怕討個老婆兇勿過，“一代還一代”，搭娘尋相罵，氣煞你老孃。我搭爺一樣，管不牢老婆格，到辰光我像風箱裡格老蟲——兩頭受氣，啊是讓我不討老婆，安安頓頓過過日腳吧”。

王阿姨聽伲子說得入情入理，竟也嘸不說法回頭伲子。

貼爺孃家

禮拜日腳，錫惠公園龍光洞門口格石攔凳上，有兩個老太坐嘞上攀談，面孔削括瘦格老太嘞了哼嘆苦經：“妹子，我格囡吾真正好，每趟轉來，總要帶點末（物）事來孝孝我。前二日轉來，得不我一箱水蜜桃，只只有小飯碗口大，吃嘞嘴裡，水口好，甜到心裡。我俚格媳婦勿是末事，勿論啥個要帶到爺孃家去，真正是貼爺孃家格貨色”。

坐嘞旁邊格胖老太實在聽勿下去粒，打斷瘦老太格話頭：“叫你一聲老阿姐，你格囡吾是人家媳婦，你格媳婦也是人家囡吾，媳婦帶點末事，轉去張張爺孃，叫貼爺孃家，格末，你格囡吾拿水蜜桃你吃，儼格阿算貼爺孃家呢！”

瘦老太鑊胖老太二句閒話一鈍，想想也是格道理，一時辰光倒響勿落。

楊柳風人文學堂

| 以自識融多元 | 以自信塑成長 | 以自由得未來 |

一、致力於推廣人文素養教育。

二、提倡美育學習和詩感認知；培養學生建立獨立思考能力、幫助他們掌握閱讀方式的多樣性、啟發他們對審美的個性化感知。

三、用廣泛閱讀和文學寫作給學生添加額外的人文“營養”，用詩文和藝術愉悅他們的成長。