温馨提示：
本故事并非鼓吹赌博
劝喻各位切勿沉迷赌博
今日才叔与几位昨夜未到灵堂的庄荷同事聊天时，大家都有问起离世员工的未亡人情况。
「明哥家人的生活唔知点呢？」
听到同事的问题，才叔便讲出昨晚在灵堂了解到的情况，
原来阿明近年刚申请咗妻子同孩子从内地来到澳门，佢入职庄荷时间不长，薪水唔高，為咗改善老婆同孩子的生活，放工之后，有时仲会兼职的士司机，
「哗，使唔使咁摶呀？」有同事说，
「无办法啦，明嫂话，而家物价贵，又要租屋、又要负担细路既供书教学费用，阿明当然要搏啲啦，」才叔解释道，
呢个时候，张Sir同阿达啱啱收工，就一齐加入大家吹水行例，
「咁又係，才叔你果时在新公司做荷，每月收入万几蚊，但係果时楼价平，租金又唔贵，物价又穏定，生活当然唔成问题，」新移民的阿达，首先搭嘴，
「呀係，我哋细佬仔既时候，澳门街做荷官曾经是本地人眼裡十分『吃香』既职业，一人在新公司打工，全家衣食无忧架，」张Sir呢个时候，亦插口说，
才叔听得二人说话，语重心长咁道来：
「哎！我地后生果阵，讲起都五十年囉，澳门经济不景，人浮於事，搵份工打都唔容易，行业不多，搵份印刷、造船、泥水、油漆、『竇』木既学徒工都好难，好彩我经得细叔人既事关係，入到新公司，先至由酙茶递水做起，捱咗成年几，先至能可以响赌枱旁企，由最低层做起，讲起来，当时仲要使咗一千蚊『茶钱』，先至有工做，」才叔讲到当年入行事，都几感概，接著又讲，
「唔好以為企到赌枱边，是一件轻松的事，从侍应生到能上训练场，要大约两年时间。还要学九五数和手门、再考试出场。当时计日薪有上班就有钱，每日基本工资是10元，小费占了总收入的九成。」
「係呀，我隔离屋既阿叔，当时想使人俾茶钱，都入唔倒嚟做，最后响赌权开放后，庄荷人手缺乏时，先入到新口岸果间新场做。我中学毕业后，都係响果时考入去做荷，先至有份工做咋，」张Sir对才叔的讲法，深有同感，
「係呀，近年本地博彩业几经波折，今日终算有咗一啲好转的跡象，但老闆又点会和我地啲打工仔同甘共苦吖，啲荷官又有点样好既待遇呢？」书生阿达接著讲，
「庄荷无以前咁抢手了，除了辛苦外，就係已经无咗以前果的优势，」
「上个世纪赌权未开放时，可以进入赌场工作是件有面子既事。岗位抢手，想入行都唔易。在十多年前的澳门，又有什麼工作能和荷官相提并论？」
「有咩办法，赌权开放，赌牌一变三，三变六，赌场遍地开花。2004年博彩业员工有19,772名，月薪10,881元；2017年博彩业共有56,634名全职僱员，平均薪酬為22,940澳门元。但係而家一的经验庄荷月薪可达18,000元左右，今日新入行既BB荷，有啲只能收15,000至16,000咋。虽然近十年本地博彩业高速增长，但係市民既收入增长缓慢，楼价仲比十年升超过十倍。」资深既才叔一番话，讲出近年庄荷苦处。
「所以，你哋好应该珍惜眼前呢份工呀。可惜而家入来的新同事，落班唔好好休息，仲一日到黑到处『蒲』，搞到上班『乌眉洽睡』咁，成日瞓未醒，身子搞坏唔使讲，仲好易做野时出错！」
「才叔，没法子啦，谁叫我没有『书生』咁样，生活正常，多姿多彩，还是『文艺青年』，真不明白：『史前动物』的书生，点会成為贵宾厅的『金牌荷官』，」呢个时候，有人「委屈」地向才叔和张Sir反驳，
「我们上一辈的菠菜从业员，工余文体康乐活动不少，响工会同工友的安排下，特别是各种球类交流、比赛，令大家生活在『大染缸』都正常一点，真係『出淤泥而不染』架。今日赌牌多咗，从业员亦比以前多，而且固定工资都比其他行业要高，但要维系工友们以前果种情谊，实在不易，时代变了，……，」作為资深从业员，P.M.经理身份的才叔，又係一阵感概，
「咸鱼青菜，各有所爱，赌场九反之地，如果唔洁身自爱，边个受罪？有事又有边个可以帮你？」被称「书生」既阿达，一派老气横秋语气，
陈志达，原係内地出生既「超龄子女」新移民，阿达在内地福建省大学电子系毕业，来到澳门，专业学歷不被承认，為供养年迈母亲，几度考核面试后，成為庄荷。因文化程度比同事高，被称為「书生」，也有俾咗个名為：才子。
一位女同事，见到大家七嘴八舌，闲话赌场生活，佢都加入吹水人群：
「而家赌业女多男少，尤其係我地女性荷官居多，讲到同工同酬，而家既高薪酬职位男性总系著数啲，所以做荷官难，做女荷官更难！」
「係既，女性要照顾家庭、又要生儿育女，加上工作三班倒，好多入咗呢行，家庭就会受到影响，婚姻问题特别多，一係大龄未嫁，又或者离婚收场，现时夫妻二人同在赌场打工的例子唔少，但问题亦多，」才叔以过来人，资深慱彩员工身份，讲出行业其中一个社会问题。
「其实，琴晚明嫂家庭就是一个明显例子，明哥係家庭支柱，一朝去世，家中留下孤儿寡母，你话几凄凉？」书生阿达想到母亲含莘茹苦咁养大佢成人，一时感叹，有感而言，
「係呀，阿明生前同我地都係一场好朋友，我哋都要想法子，帮下佢既家庭啦，」才叔开始為明嫂同孩子，与一班同事商量日后如何开解、帮助未亡人。
「才叔讲得啱，明哥生前以為自己身体无咩野，总顾住忙住生活，无想到一日发生意外，老婆仔女便失去保障，」张Sir也说，
「係，我地生活之餘，也要想想日后的保障，好似阿明咁，除咗攞番公司的公积金外，当时医病都使咗一大笔钱，而家都所剩无几啦，」才叔听得张Sir既话，接著又讲：
「而家唔少同事，在眼前有公司保障既同时，都会买番一份保险，以防意外架，」
「才叔，有钱都及时行乐，玩下先啦！」一个年青庄荷插嘴，
才叔一时间真的无语：无话可讲！
閱讀更多 細譚闖江湖 的文章
