香港男演員、歌手黃宗澤(Bosco)所經營的蠔吧近年生意越做越大，日前黃宗澤更把蠔吧在九龍城的舊址搬到面積三千呎的尖沙咀新店。黃宗澤新店昨日（5號）開張，苗僑偉、岑麗香、黃翠如、張繼聰、袁偉豪、張穎康、張秀文、莊思敏、洪天明、鄧智偉、葉念琛與樂易玲等一眾圈中好友都有到場支持，黃宗澤更親自上陣即場開蠔，十分專業。
黃宗澤生意越做越大，岑麗香和黃翠如都很替Bosco開心，更笑言：‘我哋以後食蠔都唔使俾錢！’但作為老闆的Bosco聞言就馬上澄清：‘你哋一定要搞清楚，系我請你哋，所以唔使俾錢，唔系嚟呢度食飯唔洗俾錢！’黃翠如即扮傻笑說：‘系咩？點解我次次嚟都唔使俾錢？’岑麗香也追問：‘咁你唔喺度咁點呀？’Bosco稱：‘唔系度，咪俾錢囉！唔系度仲唔俾錢呀？’
黃翠如早前到《美女廚房》煮魚粥大獲好評，所以自薦可以為Bosco煮蠔粥。但Bosco毫不留情，馬上拒絕黃翠如一番好意：‘呢度賣西餐，唔洗啦！’對於三哥苗僑偉有意入股，Bosco表示：‘上市先搵佢啦，一間半間搵佢把鬼咩！佢打麻雀，都打我一間鋪投資啦！（記者：會唔會擴大版圖？）我哋呢班投資好啦，千奇唔好搵三哥，上市先搵佢！如果有時間，口碑好都會嘅。’
至於馬上會開拍《飛虎2》，Bosco稱：‘無三哥點叫飛虎。（記者：怕唔怕好似上次拍得咁辛苦？）唔會覺得辛苦，三哥都繫著西裝坐冷氣房，但據聞佢今次都系全副武裝。’
分享到:
閱讀更多 淘樂小家 的文章
