新劇《特技人》6日已經首播，除了必定上演的三角甚至四角戀外，觀眾亦非常關注劇中的特技場面是否合格。
在第一集中，飾演主角“大志哥” 的譚俊彥（Shuan）便與“May豬”朱晨麗等為觀眾呈演多場「車Stunt」（汽車特技）場面，包括譚俊彥和溫家偉的超車爆炸場面。
不過，好多觀眾都留意到譚俊彥和小演員楊凱博（博博）繼《天命》分別嘉慶皇帝和童年的道光帝太子綿寧後再做父子，名副其實的「200年後再一起」，而且兩人的默契更勝從前，令觀眾不禁大讚這對父子勁有愛。
譚俊彥和博博的對手戲的確好有火花，楊凱博在《特技人》一出場即寸爆「老竇」譚俊彥，場面搞笑。
提到與博博在《特技人》中再續父子情，譚俊彥接受訪問時便直言自己與對方好夾：拍《天命》的時候就認識咗博博，再知道在《特技人》演多次父子時我哋花咗好多時間令件事更好，又一齊打功夫，幾個月一齊生活咁，之後會有更多有默契的嘢畀大家睇到。
他又指自己人父身份令其更能投入去這段父子情：「我個仔冇博博咁大，8月25號先一歲，個女就大少少（3歲），反而我覺得《特技人》畀到我的感覺系，我變咗我老竇（狄龍），博博變咗我，因為都繫個老竇唔想個仔入行。」
至於會否支持仔女入行，譚俊彥就指現時言之尚早，他們有興趣便會栽培，但最重要是完成學業讀多點書。
其實博博演出經驗相當豐富，之前在《城寨英雄》中亦飾演童年版的陳展鵬，譚俊彥即大讚博博功夫底子好，又透露之後他們「兩父子」會在戲中用棍對打，稍後時間在宣傳活動上亦會表演，請大家拭目以待。
當然，講起博博的「最經典演出」一定是幾年前他拍攝的保險廣告，當時好多網友便Cap圖勁加設計對白，當中更有不少是粗口對白，不過譚俊彥就話自己未睇過有關惡搞改圖：「有粗口就唔太好，費事教壞啲小朋友。」
楊凱博在2013年一個保險廣告中發問：「乜嘢叫保險呀」，網友截圖後加上粗口對白並大改特改，一度成為熱潮。
閱讀更多 TVB新劇社 的文章
