新剧《C9特工》近日进行拜神仪式。男主角马国明穿上背心、挂上围裙，一看就觉是《国产凌凌漆》猪肉佬，但原来他不斩猪肉，只卖菜。
相对，另一男主角黎诺懿则官仔骨骨相当有型地扮演一个特工，难怪马国明有意见：“你睇黎诺懿一身造型就知公司将最靓最有型嗰啲俾晒佢着，我呢啲就着最便宜戏服，我一拍埋去就输啦。”
继《甜言蜜语》（2008年拍毕）后，黎诺懿与马国明终于再有机会合作。
对此，前者坦言期待了很久：“今次真系好开心，对上一部剧同马明合作已经事隔10年，今次接呢部剧最大原因真系马国明，因为我真系想同佢开工好耐，但一直都无咁嘅机会。虽然话大家同一间公司，但真系要遇见嘅话都要等10年。”
黎诺懿说得如此情深意真，但马国明竟然选择对黎诺懿避之则吉：“其实我系有避你嘅，因为我惊咗你神一般的男人，又惊搞到自己无得捞。（你都傻傻地，咪听佢乱讲。）”
二人除了在《C9特工》合作外，黎诺懿还希望可以在《降魔的2》继续合作。
他说：“我会向《降魔的2》监制伸请呀，我真系好想做马国明只精灵。（你要问下胡鸿钧得唔得喎，唔系佢到时无得捞。）有一对精灵都得架啫，而且我要射箭。”
黎诺懿要射箭，岂不抢了胡鸿钧的武器？那他还有什么可以射？“佢上次佢射咗箭，唔好成日射箭啦，好多嘢可以射架，今次射第二啲嘢，留返啲箭俾我射。”
该剧的女主角是高海宁 (高ling)。呢套是高ling首套拍摄的动作剧，她说：“开工无几日就要打喇，仲要一嚟就受伤，不过我觉得今次受伤令我因祸得福，学识咗点保护自己，早啲发生系好事嚟。
高ling又被同剧的黎诺懿改了“豆腐ling”呢个花名，她说：“因为我成日撞到瘀晒，佢话我一撞就散。”
相比起在剧中经常要打的高ling，饰演高ling老公的马明就舒服得多。马明表示：“我卖菜嘅，无难度，同埋卖菜只系包装，唔系咁多街市场口戏。套剧系讲我唔知个老婆原来系特工，咁正常梗系接受唔到啦，估唔到老婆会呃自己，于是引发起一连串嘅事，讲亲情，都有唔少感动位。”
黎诺是《C9特工》的男主角之一，他表示自己在剧中饰演一个猛料特工，所拍的戏几乎是全外景。
诺懿说：“我嘅戏有9成以上都系外景拍摄，去啲荒山野岭同出海拍，寻日我哋去咗一个叫蛇头村嘅地方，一打开道门估计有成二百蚊喺度，就算喷蚊怕水都无用，我谂要喷杀虫水先得。我哋用个大筒点咗千几支香嚟驱蚊先顶得住。由于被烟熏咗成日，我返到屋企第一件事就系冲凉，因为屋企有BB。其实拍咗大半个月，我日日收工都系湿晒咁回家，所以都系即刻冲凉先掂BB。”
他又谓自己拍动作戏不能告知太太：“佢一知道就会系咁哦我，话我依家一家大细呀，有咩事点算。我之前拍咗一场吊威也上三层楼嘅戏都有呃住老婆，我本身有畏高，点知畀我助手笃爆咗，老婆知道咗又哦我，问我做咩唔用替身。我会好小心㗎喇，老婆你放心啦。”
他笑言报道出街后要有排同老婆解释。
已育有一子的诺懿一直想追个女，问到剧接剧的他岂非无时间造人，他说：“愈忙就愈好，会易啲生女。我睇咗好多生女嘅方法，有研究话男人个身体愈攰愈虚就愈容易生女，所以我身体要有咁虚得虚，希望可以生个猪女 (出年猪年)，不过如果又系生仔都唔会再追，两个够晒数，最理想系生一对小朋友等佢哋第时长大后可以互相照应。”
閱讀更多 埋堆堆官方 的文章
