曾志偉去年聖誕節在日本北海道旅遊時遇上車禍 ，意外帶出志偉車上另外還有一名女性友人，人稱阿雪的化妝師李雪慧（Vanus）。她不單是志偉的御用化妝師，還身兼助理角色。
志偉工作事務Vanus都會協助打理。3年前Vanus更被人發現，跟曾志偉同遊日本大坂傢俱店。Vanus丈夫為無綫資深化妝師張家萬，不幸於14年因心臟病離世。Vanus酷愛日本，在社交網站不時張貼遊覽日本的照片，更不時上載和志偉及其他無綫藝人的合照。
上月中志偉又跟這位紅顏知己Vanus同遊日本，讀者關小姐向記者提供照片。關小姐接受電話訪問時透露，當時他們在銀座Dover Street Market出現，
她說︰「成幢建築都係賣啲潮牌同潮物，我見到佢哋時，志偉同位女士喺女裝部收銀處畀緊錢，應該係志偉負責找數。佢哋唔算親密，冇拖手，係睇衫時膊頭貼膊頭。」
關小姐表示二人在女裝部行了一陣後，志偉坐一旁玩手機等候，有行過的香港人要求合照，他都樂意應承。雖然潮店的照片只能隱約見到是Vanus，不過她的Instagram卻洩密。有一張她步入餐廳的IG照片，清楚見到當時從衫褲鞋跟帽的打扮，跟志偉一起行潮店女子
所穿一樣，相信該女子正是Vanus無疑。
另外，有讀者麥先生同樣透過向記者提供照片，分享志偉上月底跟另一名女子同遊。麥先生表示當時為晚上10時許，雖然志偉戴著口罩，但實在太易認，麥先生說︰「志偉好易認，當時見到佢同一位女士，喺寧夏夜市一檔馳名鹽水雞嘅檔口揀食物。
見佢哋兩個揀得好開心，嗰女仔負責落order。」之後二人行去會合一名男子，忽然身邊傳來一陣廣東話對話，志偉即時顯得很避忌。男性友人跟他耳語幾句後便離開。
分享到:
閱讀更多 娛聞樂HK 的文章
