林峰同張馨月早前被發現秘密入紙排期結婚,令到一眾粉絲非常心碎!林峰事後
默認婚訊,雖然未有公佈結婚日期,但就有傳佢會趕喺自己下月8號40歲生日當天拉埋天窗。而日前林峰嘅官方歌迷會就喺社交平臺宣佈,原定於12月8日舉辦的生日會將會取消,所有參加費用將全數退還畀歌迷。
不過歌迷會就未有透露取消原因,令林峰會喺生日當天結婚嘅傳聞更加甚囂塵上。
日前林峰同久未碰面嘅老友胡杏兒同楊采妮獲邀出席賽車比賽,二人即刻講笑互催生B,杏兒就話要做嘢唔生咁多個,林峰就笑笑口話自己努力中,幸福滿瀉呀!
不過林峰明顯比之前消瘦咗好多,兩邊面頰
凹曬落去之餘,仲有啲細紋,顯老之餘睇落仲好唔精神!唔少粉絲都大嗌心痛,叫佢忙住籌備結婚同工作都要好好照顧身體!雖然都仲係好Chok好靚仔~
但都係肥返啲好!
閱讀更多 娛聞樂HK 的文章