李施嬅早前飞到加拿大拍剧，但因为疫情严重，故剧组被迫暂停拍摄，而李施嬅改机票返香港，但需要喺屋企隔离14日。
佢喺社交网拍片交代近况，指今日（25日）系隔离嘅第三日，话好多谢大家关心佢起居饮食：“好多人问我有冇嘢需要，好多人关心我好开心，亦有人放啲嘢食喺我门口，其实香港好方便，可以叫外卖，所以So far so good啦。”佢透露落机后嘅情况，又呼吁同佢一样要隔离嘅人，要乖乖哋留喺屋企，唔好为社会带来负担。
虽然宅喺屋企闷到爆，好在佢有一班“胡说八道会”嘅好姊妹隔空撑佢，胡定欣留言：“你需要我们吗？”而胡蓓蔚则留言问不如Video Call见吓，但李施嬅问到几时，佢话要睇埋李施嬅有份主演嘅剧集《法证先锋IV》播完先。
分享到:
閱讀更多 娛樂三國 的文章
