由ViuTV转战TVB，攻入《美女厨房》做美女学徒！
睇落真系好似学生！
喺解决师都系做学生妹！
TVB同ViuTV新女最近喜欢互换东家，现年25岁嘅郭思系模特儿出身，拍过唔少广告，之后加入ViuTV做主持，后转战TVB，攻入《美女厨房》做美女学徒，长得一副童颜加梳住招牌齐荫嘅佢笑容甜美，备受注目，仲获睇中出演《解决师》，虽然又系做学生妹，但唔少网民都大赞佢做学生妹完全冇违和感，仲同丁子朗有唔少对手戏添！
私下嘅佢经常喺社交网晒靓相，无论咩角度都好似日本妹咁，仲有着和服嘅相，真系好kawaii呢！虽然好少女，但原来佢都会睇足球，早前仲飞到巴塞隆拿睇美斯，够晒Girlfriendable！而佢又好有爱心，养咗两只小鹦鹉，仲会“遛雀”，成个Package都咁掂，难怪有唔少宅男粉丝啦！
“民选港姐”吴海昕过档ViuTV
郭思就由ViuTV过档TVB，而最近备受关注嘅“前港姐”吴海昕（Sofiee）就调转走咗入ViuTV，喺穿越剧《二月廿九》做埋女主角，演出获网民大赞！
今次喺ViuTV剧集《二月廿九》成功响朵！
2014年参选港姐嘅佢，曾被指整过容，但无损网民对佢嘅爱戴，虽然最终大热倒灶，但获封“民选港姐”！未有喺无綫拍过剧嘅佢勇闯影坛后，2017年就开始拍ViuTV剧，嚟到今次套《二月廿九》终于声名大噪，成功入屋踏上上位之路！
大晒蜜桃臀
现年30岁嘅佢人前睇落保守，私下都有开放一面，喺网上大晒三点式泳照，又不时分享运动成果，骚出小蛮腰同腹肌，仲对镜自拍蜜桃臀，搞到一班丝打巴打流晒口水！
佢仲好大胆，今年新年背住脚伤一个人走去缅甸，佢话：“由于太讨厌新年，所以随便上网买了张机票⋯”说走说走，型到咁网民都话佢好勇呀！
分享到:
閱讀更多 娛樂三國 的文章
