紫金食坊，
唔系紫金縣，唔系阿水，
只系江南西，一間小小噶街坊食府。
遍地的日料茶飲咖啡室，依然遮擋不住一眾喜歡粵菜小炒雞鴨鵝魚的市井人群。
你有你旺我有我做，任你百花齊放，我自獨沽一味。做生意同做人甘，要堅持自我。
老土噶紅磚黃牆實木黑金字招牌，紮實噶酸枝石面老圓臺，時尚冷淡工業風全無，
我地就係一間大排檔轉入堂內。
叉燒滷水白切雞，啫啫煲仔碟頭飯，炒又得燜又得，白灼紅燒豉汁蒸。
阿叔話，貪距鑊氣夠；阿姨話，貪距碟頭大；阿姐阿哥話，貪距味道正。
阿邊個話，貪過癮遮。
食下食下，就十幾幾十年了，時過境遷，迎來送往，忘記了有多少故事。
匆匆來，匆匆去，一碟一煲一碗一餐飯。
細細品，嬉戲嘗，日出日落日日年年過。
何日與君再相聚？
分享到:
閱讀更多 妙食阿雅 的文章
