肥媽和陸浩明（6號）今日去到大埔派口罩，其中肥媽Full Gear上陣，戴口罩、手套、黑超，心口還掛有空氣清新包，現場更有工作人員不停噴消毒酒精。肥媽透露疫情下減少家庭聚會，但就好恨見剛出世的孫女：「系第16個孫，依家開廠見到好多人都驚，但無謂呢個時候抱，不知幾想搣嚇佢！個仔話聽日帶BB嚟見，我都話唔好，佢出咗世淨系見過一面。」身旁6號多口插說：「下次見BB可能佢讀緊大學。」此話一出，即「驚動」肥媽：「啋過你呀！又講錯嘢！死人口、收嚇口啦！疫情好快就過！好心你收嚇把口！」禍從口出的6號頭耷耷兜說：「我係形容小朋友大得好快啫！」
被問到自上次講錯嘢之後，就一直冇更新社交平臺，是否怕再闖禍？他說：「有休息咗陣、沉澱嚇，『經一事、蔡一智』，做節目講資訊嘢會小心啲，搞笑就用無謂嘢。」肥媽都出口幫助：「佢冇心嘅，希望大家唔好怪佢，佢好勤力，由0做到100，包容嚇佢。」
分享到:
閱讀更多 海之聲助聽器1996 的文章
