520大促，阿撐一個唔覺意又買多左啦~
要去卸載淘寶剁手啦(捂臉.jpg）
所以話，按宜家的物價水平
宜家100蚊系廣州可以做到D乜？
飲一次早茶？買一件衫？
唱一次K？定系吃一餐勁的？
其實，100蚊都系可以玩一日的
唔信，跟住阿撐！
我帶你1人100蚊玩轉呢個小鎮
夏日炎炎出行遊玩
我們必須準備以下物品
防曬傘、礦泉水、充電寶
防曬霜、紙巾、手機
溫馨提示：噴霧型的防曬繫帶唔入地鐵噶~
2018年5月8日
天氣：晴朗
▼歡迎乘坐廣州地鐵
▲起點：花都地鐵站
宜家坐地鐵再都唔驚
太擠人整唔見羊城通了
因為可以使用羊城通乘車碼
直接刷碼進入地鐵站
▼終點站：市橋站
搭九號線到高增站
在市橋站B出口出站
乘坐番67路到沙灣古鎮南門落車
落車後，直走就可以看到沙灣古鎮
音樂氧吧
一入沙灣就見到右手邊
有間音樂氧吧
專門賣有關音樂的CD碟
周杰倫、林俊杰、田馥甄、孫燕姿
滿滿的都系回憶啊~
(唔小心洩露年齡添，噓！其實阿撐系00後來嘎）
沁芳園
音樂氧吧的隔離就係沁芳園
沁芳園最出名的就係沙灣姜埋奶
雙皮奶、糯米餈同炸牛奶啦
姜埋奶 9蚊
姜埋奶聞起來一陣姜味
用匙羹輕輕一壓
姜埋奶的表皮完全無破損
一啖吃落去
入口香滑，口感純正
蛋奶糊 10蚊
唔中意姜味的撐友可以試下呢個蛋奶糊
蛋奶糊給人一種清新脫俗的感覺
雞蛋無腥味，奶味又唔會太甜
只有淡淡的奶香系口齒間停留
炸牛奶 10蚊
金黃的炸牛奶
外皮脆而不硬
內層鮮嫩可口，甜而不膩
吃飽之後，
阿撐同撐表哥繼續沿大巷湧路一直走
睇到好多的古舊的裁縫店、鐵圍欄
佢地同整個街道的風格完全不相符
但卻無絲毫的違和感
離遠就見到一面蠔殼牆
蠔殼牆是用一片片用生蠔殼堆砌而成的牆體
蠔殼呈鱗狀以向下45度的方式整齊壘砌
殼尾向外，形狀特別
因此不少遊客來到沙灣
都會來到這裡留影紀念
向左轉進入安寧路
我地就見到清水井
清水井擁有200多年的歷史
系沙灣的地標之一
針姨魚皮角
沿著安寧路一直走
我地來到咗針姨魚皮角
針姨由開始的路邊攤
一路做到有鋪面
一直都廣受街坊的歡迎
連廣東電視臺都專門來採訪過噶
狗仔粥 8蚊
狗仔粥系針姨呢到最出名的菜品
用料十分豐富
有臘肉、蝦米、花生、頭菜粒等
但系吃落去口感唔似粥
反以同廣州的瀨粉差唔多
好有嚼頭，口感綿滑
魚皮角 11蚊
魚皮角系番禺十大特色名點之一
用料講究
魚皮系用土鯪魚撻成膠整成的
所以吃落去特別爽脆彈牙
內餡系新鮮瘦肉、臘肉、白芝麻
芝麻的香味同肉的鮮味混合一起
令人回味無窮
左轉彎後進入光裕路
我地來到妹女粥麵店
妹女粥面歷經三代人經營
已經有54歲了
差唔多有阿撐的3倍啊（震驚.jpg）
牛腩面 13蚊
聽講呢到最出名的就係牛腩面
老闆！唔該來碗牛腩面啊~
入味軟爛的牛腩，細而彈牙的手工蛋面
分量足，味道原汁原味
店內仲保留當年的殘舊餐牌
傳統的花紋瓷碗
兩個煤爐灶頭，一個熱湯，一個煮麵
右轉我地進入鶴鳴街
珠海何公祠、沙灣古建築裝飾館
都系呢條街道上
古舊的木質推門
百年不變的石階石巷
記錄時代變遷的巷名招牌
古鎮裡隨處可見的飾品店
更增添一絲俏皮
阿撐溫馨提示
出來玩一定要帶風扇或者扇子
唔系就要系景區拿錢包買噶啦
右轉我地進入官巷裡大街
系沙灣我地見到好多的塗鴉牆
搭配上實物映襯
充滿了時代氣息
沿著官巷裡大街走
右邊巷弄出去就是一個大廣場
五羊牌雪糕 4蚊
來到西廣場，烈日當空
撐表哥話要買個雪糕降降溫
作為中國好同事的我梗系十分支持噶啦
兩個五羊啊唔該~
留耕堂
望過對面
我地就可以睇到留耕堂
玉虛堂、時思宮等建築
留耕堂至今已有600多年曆史
是沙灣古鎮標誌性的建築
仲保留精緻的石雕、磚雕、灰塑等建築藝術
留耕堂前面還有一個四方塘
此時阿撐腦海出現一個臺詞
“呢片四方塘都被你承包啦”
木瓜酸 5蚊
走過四方塘，
我地見到有一檔賣水果酸的推車
我同撐表哥點咗5蚊木瓜同蘿蔔
哈哈撐表哥仲話我點木瓜
但系吃曬佢D蘿蔔
之後我地來到留耕堂西廣場旁的荷花池
一池荷花競相開放
惹得唔少攝影愛好者帶住長炮過來影相
荷花雖惹眼，但不妖豔
清新寡慾，韻味十足
文峰塔
睇完荷花，我地來到文峰塔
文峰塔系沙灣的風水塔
塔裡面供奉的神像
都系以前鄉里面讀書人叩拜之神
圍牆上系滿密密麻麻的紅絲許願條
來到沙灣可以系呢邊留低自己美好的祝願
阿撐想穩翻以前自己寫的都穩唔到了
文峰塔的後面就是聰明井
聰明井同我地平時見到的井唔同
佢身形較細，只有表面小小水
唔講都唔知繫個井呢（捂臉.jpg）
之後，我地沿住巷弄走到安寧西街
三稔廳、進士會、桃花釀
珠珠照相館、池喳餅店
一連幾家的沙灣特色店都聚集系呢條街
咦！又有一個塗鴉牆
撐表哥快D來幫我合影一張
一睇時間，已經差唔多17點30分了
原來已經行咗甘耐了
阿撐同撐表哥就決定
搵個地方坐低吃咗野再走
噹噹雲吞店
沙灣有甘樣一句傳言
“沙灣有三寶
影相去珠珠
是雲吞去噹噹
剪頭髮去新新”
一入到店就睇到阿姨繫到包粽同包雲吞
甘梗系要試下阿姨的手勢啦
阿撐同撐表哥一人點咗個雲吞
仲帶咗只粽翻辦公室添
雲吞用新鮮豬肉作餡，即包即煮
形狀三角，好似條魚甘
被稱為芙蓉尾雲吞
皮薄餡靚，一啖一隻，正！
吃飽之後我地就返程翻花都啦~
建議如果自駕車來玩的撐友可以下午再過來
下午吹住微風，漫步系古鎮裡
別有一番風味
而且晚上的古鎮仲會有光影秀
更添一絲繁榮
一日賬單
交通 地鐵+公交 52
沁芳園 姜埋奶+蛋奶糊+炸牛奶 29
針姨 狗仔粥+魚皮角 19
妹女 牛腩面 13
飾品店 特色扇子 15
小商店 礦泉水+雪糕 15
順德大媽 木瓜酸 5
噹噹雲吞店 雲吞+粽子 18
＊阿撐同撐表哥兩個人去沙灣總共用左166蚊，人均83蚊，玩咗一日，都算划算噶~
部分圖片來源攝影師文姐
閱讀更多 花都我撐你 的文章
