TVB目前热播嘅两出剧集都係奇幻类
一个係讲七十年后苏醒嘅冷冻人
另一个讲靠kiss续命嘅打工仔
两出都要进入结局阶段啦
有冇唔舍得呢？
袁伟豪大家见得多
已经冇咩新鲜感
但《逆缘》饰演冷冻人嘅陈家乐
扮阿爷扮得好搞笑
大家都对佢好有兴趣
自播出之后关于佢嘅新闻陆续有来
首先被挖掘出嚟嘅
当然係D陈年旧史啦
话说陈家乐03年曾经参加英皇新秀
入围16强签约英皇
嗰阵个样同而家一模一样
同旁边嘅洪卓立都生得好young
喺TVB嚟讲佢都唔算新人啦
十年前已经拍过剧集
《四叶草3盛装舞步爱作战》
嗰阵时已经好靓仔
（右一为陈家乐）
不过可能因为喺剧集中又唔係第一男主
而且个角色定位係乸型
所以冧唔到女观众lor
除此之外都有拍过其他电视剧
亦有喺MV同电影演出过
2012年拍过林欣彤《第二次初恋》MV
2015年同彭于晏拍过电影《破风》
2016年陈家乐凭《幸运是我》
获得第七届澳门国际电影节最佳男配角奖
叫做有D成绩睇下
不过对于路人嚟讲
依然唔G佢乜水
直至今年《逆缘》扮冷冻人
靓仔外表加上一口阿爷腔
成功入屋！！！
最近佢上电台节目爆料
原来当年佢有机会同陈伟霆做Sun Boy'z
佢同陈伟霆係同届新人
当年由于关智斌独立发展
Boy'z班底要重组成Sun Boy'z
陈家乐都係候选人之一
不过佢就觉得自己同其他成员唔夹
加上自己唔係跳舞嘅材料
所以上咗几堂跳舞课就决定放弃
「我係签咗约先知公司想组成Sun Boy'z，佢哋就要求我去排舞。排咗几堂，我完全跟唔上，但佢哋全部都跳得好有型、Chok到好靓仔，而我依然仲记紧Step，跳到成只蟹咁！我啲手脚係唔协调，一字马佢哋全部都做得好好，但我连普通动作都做唔到。」
「好沮丧，完全跟唔上，上咗几课我就知道自己唔得，我同佢哋讲我唔去（排舞），我好易放弃。呢样係我以前嘅一个缺点嚟，我对一啲自己冇信心嘅事，我係好易放弃。」
网民话佢冇天分跳舞亦无谓勉强
而家咪几好
如果当年TVB肯重用佢
今时今日可能已经係一线小生
另外都有网民话
只不过係剧本写得好
唔觉得陈家乐有几特别
有传呢个角色
係执二摊得返嚟
原本大台打算郑俊弘出演
不过可惜佢绯闻太劲不得不换人
至于阿Fred嘅演技
就唔使多讲啦
所以话演员本身都好重要啊
目前《逆缘》已经接近尾声
钟定国（陈家乐 饰）回忆起当年
贾绰（陈山聪 饰）为黄金杀死兄弟
而贾绰73年前开枪灭口失败
如今杀意再起打算车死佢
结果撞伤Aki（林夏薇 饰）
撞死AKI阿妈（韩马利 饰）
钟定国估到係贾绰想杀佢
蔡明诗（糖妹 饰）偷听到佢哋打斗
对贾绰产生怀疑
贺永年（黎耀祥 饰）
知道贾绰想杀死佢阿爷钟定国
拒绝再帮对方
但无奈有把柄喺贾绰手上
唯有帮手说服翁芷荞（夏文汐 饰）
买黄牛坑村块地种生机搞好母女关系
随着剧情发展
贾绰最终都係瞒不住事实
出手杀人灭口
贺和平（姜大卫 饰）表情痛苦
扶住受伤嘅钟定国
阿国就咁玩完？
感情线方面
钟定国终于表明心意同AKI一齐
但翁芷荞就叫贺永年拆散佢哋
剧照中有同老婆廖瑞芳（汤洛雯 饰）
生得一模一样嘅女人出现
究竟编剧玩人有相似
抑或佢老婆都係冷冻人？
另外有剧透指出
阿国身体新陈代谢加速
贾绰同佢两个冷冻人有可能因此而死
剧情好似会通向BE
但大家睇睇个戏名《逆缘》
佢係佛学术语
指遇到恶事恶人为佛道之缘也
比喻成功道路上的磨练
如此一来
可能钟定国经历完一系列磨难
会修成正果happy ending呢！
Any肥
虽然戏内亲人、兄弟、情人之间
仲有好多嘢纠缠不清
但现实中陈家乐同女友余香凝就好sweet
一早就开启咗老夫老妻模式
落楼下买嘢食会短裤拖鞋唔洗头
4年前《总有出头天》一吻定情
上年遇上车祸女友受伤
陈家乐感叹生命无常
决定照顾对方一生一世
虽然冇定几时结婚
但会朝着呢个方向走
剧情引人入胜
恋情亦发展稳定
希望戏内戏外都唔好烂尾啦
閱讀更多 可樂生活color 的文章
