近日在電視劇《解決師》飾演性感俏秘書的新一代打女楊柳青(Wiyona)，將於新片《催眠·裁決》裡收起媚態，扮演職業殺手，在戲中除了有埋身肉搏武打戲份外，更有不少槍戰鏡頭，十足女中豪傑。
雖然動作戲對於Wiyona來說是耳熟能詳，但論到拍攝槍戰，她卻是首次嘗試，Wiyona表示："日都忍唔住眨眼，唔識點揸槍，好彩遇到今次動作導演錢嘉樂，我同佢第一次合作，喺佢身上獲益良多，佢唔單止教我點揸槍，仲教我好多拍動作戲技巧。”
Wiyona直言跟錢嘉樂合作後，即封對方為偶像，期待可以再度合作：“平時見佢演嘅角色好搞笑，但佢一去到片場就會好認真，佢仲分享咗好多做動作演員嘅經驗畀我，以前我NG會覺得尷尬，怕影響到其他演員，系佢同我講動作演員唔應該怕NG。”
Wiyona續說，今次拍攝，雖然沒有被動作戲難倒，卻被一場食煙考起，搞到頻頻NG，她說：“平時我係唔食煙，今次第一次要拍食煙鏡頭，可能出嚟效果唔夠型，所以頻頻NG，一個簡單食煙鏡頭，一食就食咗半包煙，唔慣煙味，邊拍邊想嘔，拍完呢場戲，聲都沙埋。”認真大犧牲。
此外，問到Wiyona除了打之外，還想演甚麼角色？她笑言不敢貪心，想繼續從武打方面讓觀眾認識她。
Wiyona表示：“希望可以楊盼盼、楊紫瓊、楊麗菁後，提起武打女星，大家會叫得出楊柳青。”
分享到:
