艺人苟芸慧（苟姑娘）一直很喜欢小孩，曾扬言要生四个，等天赐Baby之前，首要任务先是辅导尚未Ready做爸爸的陆汉洋，苟姑娘助养小孩，又经常带侄儿回家帮老公实习。
现年35岁的苟姑娘去年十月下嫁赛车手陆汉洋，人妻三个月试用期即将届满，她很喜欢小朋友，好想做妈咪，但偏偏陆汉洋未Ready做爸爸：「佢系屋企嘅King，识佢嘅人都知道佢以前唔钟意结婚，唔想生小朋友，佢已经有进步（结咗婚），所有嘢要讲啱Timing，先系Right Timing，希望朝住Positive方向，一步一步嚟。（你好似社工？）自己系钟意小朋友嘅人，想知道做妈咪系点，身边啲朋友都做咗妈咪，自己好羡慕，希望有自己小朋友。其实陆生个性都似小朋友，希望佢可以快啲成长啦！
原来陆汉洋未Ready的主因是觉得自己好曳，担心将来小朋友似自己，成为社会负累。苟姑娘为加速老公成长，半年前两人开始助养来自柬埔寨和斯里兰卡的儿童，现时共助养了两男两女，尝试透过助养让老公跟小朋友作初步隔空接触，她说：「我哋嘅『两子两女』会定期写信畀我哋，好似个女话想做警察，个仔想做老师，我会同佢讲番，佢初时都唔理我，但慢慢佢会听，希望佢慢慢习惯，才准备做爸爸。我觉得助养对准备做父母嘅人系几好，既帮到人，又帮到自己，系双赢。
苟姑娘还会定时带两岁多的侄儿到家中，让老公接触小朋友的「实体」，可谓用心良苦，不过她笑言老公初时对侄儿视作透明：「侄仔好乖、唔嘈，我畀佢喺屋企行嚟行去，初时陆生成日问几时带佢走，慢慢老公就惯咗自己空间里面有小孩呢个物体，依家开始有互动，绝对系大跃进！」下月23日，她会出席宣明会举行的「亲子历奇180」任开幕礼嘉宾，当日有难民体验的亲子游戏，供家长和小朋友玩，她即出口术说：希望陆生会嚟，唔使再凭空想像家长嘅生活点过！
閱讀更多 日日趣事 的文章
