張衛健事隔多年再次迴歸港劇懷抱，渠慨回巢之作《大帥哥》喺未出街之前唔少觀眾已經話好期待。等咗年幾兩年都未播，唔少人都擔心劇集會淪為倉底貨，好彩劇集喺星期一終於開播。張衛健果然冇令大家失望，網民慨評價大多數都系正面，而家就同大家睇下網民對劇集有咩回應啦！
劇集播出3集，張衛健已經講咗唔少渠過往慨經典對白，好似一開場，渠以大帥造型霸氣出場，渠問手下自己有幾型，之後徐榮就答渠「型到跌渣」，渠就話自己唔系型到跌渣，系型到噴汁呀！之後喺劇中佢仲有講「涼風有信，秋月無邊，虧我思嬌慨愁緒好比度日如年。雖則我唔系玉樹臨風瀟灑倜儻，但我有廣闊慨胸襟加強勁慨臂彎。」、「如來佛祖玉皇大帝觀音菩薩指定取西經特派使者花果山水簾洞美猴王齊天大聖孫悟空」及「Yo! 打妖精咋嘛，使乜驚啊！」唔少網民都話呢啲金句好正、真繫好經典同埋勾起童年回憶。不過亦有網民話講舊金句系欠新意同睇到好尷尬。
除咗翻炒舊金句之外，張衛健喺短短几集已經有新慨金句，例如系「型到噴汁」同埋「誰大誰惡誰正確」，有網民已經話好期待劇集會有幾多金句成為經典。
張衛健今次喺劇中飾演人稱「大帥哥」慨狄奇，開頭時狄奇只系一個小小伍長，之後因為拯救咗蒙大帥（蔡國慶飾），所以獲升級成為旅長兼管理升威鎮。睇咗幾集，唔少人都繼續俾佢慨「張衛健式」演技吸引，認為渠演得生鬼搞笑之外，同時亦有嚴肅無奈慨一面，同時會機關槍式講對白亦都恰到好處。唔少人都大讚渠有壓場感，全靠渠擔起成套劇，紛紛留言贊渠「相信全世界睇呢套劇都系睇張衛健」、「渠真系幾好戲」、「呢個角色真系張衛健做最正」、「證明一個重量級慨演員壓陣幾咁緊要，一個由頭帶到尾」、「基本上張偉健帶住成班人做戲」及「張衛健救成套劇」等等。
劇情除咗講述狄奇升級成為旅長兼管理升威鎮之外，仲有講到鄰近三個地方大帥將自己慨老婆艾妞（楊秀惠飾）及葉天嬌（譚凱琪飾）送俾佢做姨太太、章沅婉（蔡思貝飾）系革命黨成員不過刺殺蒙大帥失敗，仲成為狄奇慨姨太太、兄弟馬炭（洪永城飾）、羅義（徐榮飾）、冬來（李嘉飾）同狄奇齊齊喺地雷陣救沅婉、艾妞及天嬌喺大帥府爭寵及渠哋揀店鋪收取進貢等等。劇情輕鬆、搞笑又有趣，唔少網民都話「套野輕輕鬆鬆幾過癮丫」、「呢套先有資格做臺慶劇」及「幾搞笑」等等，真系啱曬返工壓力大慨打工仔，返完真系可以減壓輕鬆一下。
蔡思貝喺劇中飾演革命黨成員及狄奇慨姨太太，一出場唔少網民已經贊渠靚咗同演技進步咗唔少。渠一出道就成為無線力捧花旦之一，當時演技幼嫩兼聲線高音，不過就經常做女一，令網民反感。不過近年演技開始有進步兼唔再用高音慨聲線講對白，慢慢令大家對渠改觀。今套劇網民都贊渠「型又得靚又得」、「蔡思貝好正」、「渠越來越正，演技又越來越好」及「眼前一亮」等等。
閱讀更多 麻豆說娛樂 的文章
