可能因為物極必反,
之前試過好多年
冇喺電視度睇過電視,
宜家可樂君幾享受
喺電視度睇電視嘅樂趣。
不過,翻到屋企,
唔係睇翡翠臺,
就係睇明珠臺。
冇咗亞視,
我哋可以睇香港電視嘅渠道,
確實少咗。
咁香港呢???
香港局面就唔同好多啦!
一直都有好多臺,
除咗收費電視,
我哋比較知道嘅三大臺,
當然有TVB
仲有越來越強勢嘅
ViuTV
今年新開嘅
奇妙電視。
呢三個臺嘅節目,
我哋係比較多機會睇到嘅,
上B站,
都會有熱心網友po節目上去。
講講最近嘅奇妙電視,
可樂君覺得佢畫風
係比較老成,
可能觀眾年齡層大,
做嘅節目
同埋做節目嘅藝人,
年紀都比較大。
而ViuTV都播咗有幾年,
當年作為開臺劇嘅
《綠豆》超好睇,
然後到最近期嘅
《全民造星》,
可樂君身邊啲friend都睇到
好開心,笑到咔咔聲。
然後就係TVB,
大家由細睇到大,
宜家有好多同步劇,
大家依然愛睇,
不過近年就聽到好多
TVB內部人員唔續約,
錄影廠租出去等等節流措施。
呢三大臺係
有競爭關係嘅。
要競爭,
當然要有新招,
ViuTV今日啱啱推出
2019節目巡禮,
《全民造星》
班仔都有到場,
Stanley、龍志權、Jeremy等
ViuTV出名節目破格
全新主題
《Good Night Show》
今年年尾將搶先面世,
其中《發洩擂臺》
將邀請一班壓力爆煲嘅打工仔
爆盡行內慘況,
畀機會佢地發洩,
(圖係之前嘅格鬥節目)
哇……感覺幾爆咯,
香港人咁mean……
ViuTV繼續出力做
真人騷,實況娛樂節目,
由貼地到離地、
通俗到學術都有。
而奇妙電視,
開臺一年,
成績平平,
仲成日有裁員傳聞。
有傳佢地準備改名,
將改名為
「香港開電視」Open TV,
But奇妙電視外事部
回應話:
「香港開電視系其中一個選擇,我哋仲有幾個名揀緊。」
改名之後,
會唔會為佢地帶來更多收入呢???
當然呢一切
都唔係喺我哋身邊發生,
不過競爭係好事,
良性競爭,
可能會激發更多創意,
我哋咪又有更多好節目可以睇咯!!
閱讀更多 可樂生活color 的文章