方力申（小方）與麥長青（麥包）昨日在灣仔拍攝港臺節目《警訊》，小方要求做大反派飾演倫敦金騙徒，在片尾與女警齊齊呼籲巿民勿受騙。二人笑言是新組合「小麥方包」。
小方笑說：「以前主持《美女廚房》，已經畀人覺得口花花同埋鹹溼，今次是我主動要求演奸角，今次演騙徒都驚畀人鬧我似騙子呃人㗎！我有份做好多慈善大使，到時要我交代。」
問可有被倫敦金美女呃過？小方說：「我好同情受害人，始終英雄難過美人關，好彩小弟見慣美人不會容易中招，大家記得要帶眼識人，特別是有人叫你簽約。我都成日叮囑老竇唔好易受騙，唔好亂籤文件。」
麥包不知節目《街市遊樂團》拍檔江美儀與吳君祥離婚一事，他說：「朋友打來鬧我，話點解美儀單身了兩年都唔早講，我身邊都有好多好女人嘛！證明她大把巿場，唔使擔心喇！」對於江美儀自稱有情緒病？麥包說：「嚇！系咩？可能拍《街市遊樂團》玩得太開心，我們幾個都有情緒病，經常玩到癲，我們都唔記過去的事，只望將來。」
分享到:
閱讀更多 seestar 的文章
