周潤發（發哥）、郭富城（城城）、廖啟智、孫佳君、張松枝等前晚出席電影《無雙》首映禮，謝賢、黃子華等現身支持。發哥和城城一齊受訪，發哥發笑本色，搞笑地當眾恭喜城城，說囡囡很旺他，為他帶來好運，發到嘭嘭聲，可以買多幾架法拉利！城城笑言現在買家庭車，不要兩座位的車。
城城透露老婆方媛在上海已看了該片的國語版，還贊發哥好靚仔。發哥「記者」上身，好奇追問城城：「佢識廣東話？」城城說識。發哥再問：「囡囡呢？」城城即封嘴不談。發哥說：「講你個女怕乜，你個女靚嘛，我覺得個女靚過你，我鐘意你個女多過郭富城。」語畢惹來大笑聲。
發哥笑指拍該片有點壓力，形容城城是「法拉利」，人和事都同樣快，怕追不上；城城即向發哥笠高帽，指發哥是「火箭」，法拉利怎能追上？又指發哥是影帝之中的影帝，作為後輩跟對方合作學好多。
發哥笑說：「一強一弱，合作得好開心，有火花。」拍攝得好，他歸功城城講故事好叻，加上莊文強的劇本夠完整。最難忘是爆炸後攬住城城死過翻生一幕。有指發哥未來拍戲的片酬會用作慈善？發哥卻說：「唔好問我，我唔知道，問我後面既發嫂啦！」
對於為該片到北京宣傳期間發哥仍堅持做運動，大會司儀區永權要求他分享做運動心得，發哥說每日原地踏步15分鐘，他便在臺上原地踏步起來，更要區永權和城城陪行。
一頭銀髮的「子華神」還發哥熱情擁抱，兩個齊齊笑到四萬咁口合照。
分享到:
閱讀更多 seestar 的文章
