应届港姐冠军#陈晓华#及亚军#邓卓殷#盛装出席明珠台《Audi动力星期三》活动，二人表示都有煲剧习惯，Hera就话最近有跟住讲《#延禧攻略#》的剧中台词：“有啲对白系好肉紧，对住块镜讲都觉得自己扮得唔似，但都想试下拍古装。”
Amber就话以前煲剧只留意剧情以及男、女主角，现时都会留意如何演绎，希望之后做到一个同自己好大分别的角色，更透露由明天开始会一齐接受戏剧训练。
讲到Hera日前完活动后换上超短牛仔裙，露出一双白滑修长美腿惹途人望，她笑话当日想去超市买水果，但突然醒起屋企仲有好多，才空手而回，又讲到参选后都以为出街冇人留意到自己，故经常素颜出动。
她说：“最近都有人喺街搵我影相，嗰时我系素颜，好彩个女仔用美颜相机，我谂之后都会化番少少妆、搽唇膏落街，唔好吓亲人。”身旁的Amber都话平时会化淡妆出门，返TVB素颜时都会戴帽。
分享到:
閱讀更多 港劇資訊 的文章
